വത്തിക്കാന് സിറ്റി: ആര്ച്ച്ബിഷപ്പ് മാര് ജോര്ജ് കൂവക്കാട്ടിന്റെ കര്ദിനാള് സ്ഥാനാരോഹണം ഇന്നു വത്തിക്കാനില് നടക്കും. ശനിയാഴ്ച രാത്രി ഇന്ത്യന് സമയം ഒന്പതിന് സെന്റ് പീറ്റേഴ്സ് ബസിലിക്കയില് ഫ്രാന്സിസ് മാര്പാപ്പ മാര് ജോര്ജ് കൂവക്കാടിനെ മറ്റ് ഇരുപത് പേര്ക്കൊപ്പം കര്ദിനാളായി ഉയര്ത്തും. തുടര്ന്ന് ഇവര് മാര്പാപ്പയെ വത്തിക്കാന് കൊട്ടാരത്തില് സന്ദര്ശിച്ച് ആശീര്വാദം വാങ്ങും.ദൈവത്തിന്റെയും മുൻ തലമുറകൾ ചെയ്ത നൻമകളുടെയും അനുഗ്രഹമാണ് കർദിനാൾ പദവിയെന്ന് ആർച്ച് ബിഷപ് മാർ ജോർജ് ജേക്കബ് കൂവക്കാട് പറഞ്ഞു.
ഞായറാഴ്ച ഇന്ത്യന് സമയം ഉച്ചയ്ക്ക് ഒന്നിന് ഇവരെല്ലാംചേര്ന്ന് മാര്പാപ്പയോടൊത്ത് കുര്ബാന അര്പ്പിക്കും. കേരളത്തില് നിന്ന് സീറോ മലബാര് സഭയുടെ മേജര് ആര്ച്ച് ബിഷപ് മാര് റാഫേല് തട്ടില്, കര്ദിനാള് മാര് ജോര്ജ് ആലഞ്ചേരി, ആര്ച്ച് ബിഷപ് തോമസ് തറയില്, ആര്ച്ച് ബിഷപ് മാര് ജോസഫ് പെരുന്തോട്ടം, മാര് തോമസ് പാടിയത്ത്, മാര് സ്റ്റീഫന് ചിറപ്പണത്ത് തുടങ്ങിയവര് തിരുക്കര്മങ്ങളില് പങ്കെടുക്കും.കേന്ദ്ര സഹമന്ത്രി ജോർജ് കുര്യൻ, മുൻ കേന്ദ്രമന്ത്രി രാജീവ് ചന്ദ്രശേഖർ, കൊടിക്കുന്നിൽ സുരേഷ് എംപി, അനിൽ ആന്റണി, അനൂപ് ആന്റണി എന്നിവരാണ് ഇന്ത്യയെ പ്രതിനിധീകരിച്ച് വത്തിക്കാനിലെത്തിയത്. സ്ഥാനാരോഹണച്ചടങ്ങിൽ പങ്കെടുക്കാൻ എംഎൽഎമാർ ഉൾപ്പടെ മലയാളി പ്രതിനിധിസംഘവും എത്തിയിട്ടുണ്ട്.
About the Author
