മണിപ്പൂർ :മണിപ്പൂരില് വീണ്ടും സംഘര്ഷം. കാങ്പോപിയില് ഒരാളുടെ മരണത്തെ തുടര്ന്ന് തടിച്ചുകൂടിയ ജനക്കൂട്ടത്തെ പിരിച്ചുവിടാന് പോലീസും റാപ്പിഡ് ആക്ഷന് ഫോഴ്സും കണ്ണീര് വാതക ഷെല്ലുകള് പ്രയോഗിച്ചു. കര്ഫ്യൂ ഉത്തരവുകള് ലംഘിച്ച് നീതി ആവശ്യപ്പെട്ട് നൂറുകണക്കിന് പ്രതിഷേധക്കാരാണ് തെരുവിലിറങ്ങിയത്. മൃതദേഹം തലസ്ഥാനമായ ഇംഫാലില് എത്തിച്ചതോടെ സംഘര്ഷം രൂക്ഷമായി.
ഇംഫാലിന്റെ ഹൃദയഭാഗത്തുള്ള ഖൈ്വറന്ബന്ദ് ബസാറില് ജനക്കൂട്ടം തടിച്ചുകൂടിയിരുന്നു. അവിടേയ്ക്കാണ് കൊല്ലപ്പെട്ടയാളുടെ മൃതദേഹം കൊണ്ടുവന്നത്. ഇതിനിടെ മുഖ്യമന്ത്രിയുടെ വസതിയിലേക്ക് മൃതദേഹം ഘോഷയാത്രയായി കൊണ്ടുപോകുമെന്ന് ഒരു ജനക്കൂട്ടം ഭീഷണിപ്പെടുത്തിയതായി ഉദ്യോഗസ്ഥര് പറഞ്ഞു. പോലീസ് അറസ്റ്റു ചെയ്യാതിരിക്കാന് റോഡിനു നടുവില് ടയറുകള് കത്തിക്കുന്നതും കാണാമായിരുന്നു.
‘ആര്എഎഫ് ഉദ്യോഗസ്ഥരുടെ അകമ്പടിയോടെ പോലീസ് സ്ഥലത്തെത്തി, ജനക്കൂട്ടത്തെ പിരിച്ചുവിടാന് കണ്ണീര് വാതക ഷെല്ലുകള് പ്രയോഗിച്ചു. തുടര്ന്ന് മൃതദേഹം ജവഹര്ലാല് നെഹ്റു ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസിലെ മോര്ച്ചറിയിലേക്ക് മാറ്റി,” ഉദ്യോഗസ്ഥര് പറഞ്ഞു. ഇതിനിടെ ബിജെപി ഓഫീസും ആക്രമിക്കപ്പെട്ടു.
വടക്കുകിഴക്കന് സംസ്ഥാനത്ത് മെയ്തേയ്, കുക്കി വിഭാഗങ്ങള് തമ്മിലുള്ള വംശീയ കലാപത്തില് ഇതുവരെ 100-ലധികം ആളുകള്ക്ക് ജീവന് നഷ്ടപ്പെട്ടു. മേയ് 3 ന് പട്ടികവര്ഗ (എസ്ടി) പദവിയുമായി ബന്ധപ്പെട്ട മെയ്തേയ് സമുദായത്തിന്റെ ആവശ്യത്തില് പ്രതിഷേധിച്ച് മലയോര ജില്ലകളില് ‘ആദിവാസി ഐക്യദാര്ഢ്യ മാര്ച്ച്’ സംഘടിപ്പിച്ചതിന് ശേഷമാണ് ആദ്യം സംഘര്ഷമുണ്ടായത്.
മണിപ്പൂർ സംഘർഷത്തിന്റെ പശ്ചാത്തലത്തിൽ മുഖ്യമന്ത്രി എൻ ബിരേൻ സിംഗുമായുള്ള സമാധാന ചർച്ച നിരസിച്ച് ഇൻഡിജിനസ് ട്രൈബൽ ലീഡേഴ്സ് ഫോറം (ഐടിഎൽഎഫ്). അദ്ദേഹത്തിന്റെ സർക്കാരുമായി ഒരു മുഖ്യമന്ത്രിയും സംസ്ഥാന സർക്കാരുമായി യാതൊരു തരത്തിലും ചർച്ചകൾ നടത്തില്ലെന്ന് സംഘടന വ്യക്തമാക്കി. എല്ലാ ഗോത്രവർഗ്ഗക്കാർക്കും, മുഖ്യമന്ത്രിയുടെ സ്വന്തം സമുദായമായ മെയ്തേയിലെ വലിയൊരു വിഭാഗത്തിനും അദ്ദേഹത്തിന്റെ നേതൃത്വത്തിലും സർക്കാരിലും വിശ്വാസം നഷ്ടപ്പെട്ടുവെന്നും ഫോറം പറഞ്ഞു.
About the Author
