തിരുവനന്തപുരം :സംസ്ഥാന പൊലീസ് മേധാവിയായി ഡോ. ഷെയ്ഖ് ദര്വേഷ് സാഹിബ് ഇന്ന് വൈകിട്ട് ചുമതലയേല്ക്കും. അനില്കാന്ത് സ്ഥാനമൊഴിയുന്ന പശ്ചാത്തലത്തിലാണ് പുതിയ മേധാവിയെത്തുന്നത്. പൊലീസ് ആസ്ഥാനത്തെ ധീരസ്മൃതിഭൂമിയില് ആദരം അര്പ്പിച്ചശേഷം ഡാ. ഷെയ്ഖ് ദര്വേഷ് സാഹിബ് സേനയുടെ സല്യൂട്ട് സ്വീകരിക്കും. തുടര്ന്ന് ഡി.ജി.പിയുടെ ചേംബറിലെത്തി നിലവിലെ സംസ്ഥാന പൊലീസ് മേധാവിയില് നിന്ന് അധികാരദണ്ഡ് ഏറ്റുവാങ്ങി ചുമതലയേല്ക്കും.
സ്ഥാനമൊഴിയുന്ന അനില് കാന്തിന് പൊലീസ് സേന നല്കുന്ന വിടവാങ്ങല് പരേഡ് വെള്ളിയാഴ്ച രാവിലെ 7.40 ന് തിരുവനന്തപുരം പേരൂര്ക്കട എസ്.എ.പി ഗ്രൗണ്ടില് നടക്കും. വൈകിട്ട് അഞ്ചുമണിയോടെ അദ്ദേഹം പൊലീസ് ആസ്ഥാനത്തെ ധീരസ്മൃതിഭൂമിയില് പുഷ്പചക്രം അര്പ്പിച്ച് സല്യൂട്ട് ചെയ്യും. പിന്നാലെ നിലവിലെ സംസ്ഥാന പൊലീസ് മേധാവിയെ പുതിയ മേധാവിയും മുതിര്ന്ന പൊലീസ് ഓഫീസര്മാരും ചേര്ന്ന് വൈകിട്ടോടെ യാത്രയാക്കും.
നിലവില് ഫയര്ഫോഴ്സ് മേധാവിയാണ് ഷെയ്ഖ് ദര്വേസ് സാഹിബ്. പോലീസിലെ സൗമ്യതയുടെ മുഖം എന്നാണ് ആന്ധ്ര സ്വദേശിയായ ഷെയ്ഖ് ദര്വേഷ് സാഹിബ് അറിയപ്പെടുന്നത്. വിവാദങ്ങളില് നിന്നൊഴിഞ്ഞ ക്ലീന് ട്രാക്ക് റെക്കോര്ഡാണ് ഷെയ്ഖ് ദര്വേസ് സാഹിബിനുള്ളത്. 1990 ഐപിഎസ് ബാച്ചിലെ ഉദ്യോഗസ്ഥനാണ് ദര്വേസ്. നെടുമങ്ങാട് എഎസ്പിയായിട്ടായിരുന്നു തുടക്കം.
ക്രൈ ബ്രാഞ്ച് മേധാവിയും ക്രമസാമാധന ചുമതലയുള്ള എഡിജിപിയുമായി പ്രവര്ത്തിച്ചിട്ടുണ്ട്. വയനാട്, പാലക്കാട്, കാസര്ഗോഡ്, കണ്ണൂര് ജില്ലകളില് പൊലീസ് മേധാവിയായി. തിരുവനന്തപുരം, തൃശൂര് റെയ്ഞ്ചുകളിലും പൊലീസ് ആസ്ഥാനത്തും ഐജിയായി. വിജിലന്സില് ക്രമസമാധാന ചുമതലയുള്ള എഡിജിപി ആയിരുന്നു. രണ്ട് തവണ ക്രൈംബ്രാഞ്ച് മേധാവിയായും പ്രവര്ത്തിച്ചു.
About the Author
