ബ്രിട്ടനില് വൻ ഭൂരിപക്ഷത്തോടെ ലേബര് പാര്ട്ടി അധികാരത്തിലെക്ക് . 650 അംഗ പാര്ലമെന്റില് നാനൂറിലേറെ സീറ്റുകളാണ് ലേബര് പാര്ട്ടി നേടിയത്. കെയ്ര് സ്റ്റാര്മര് ആണ് പുതിയ പ്രധാനമന്ത്രി. ഈ നിമിഷം മുതല് മാറ്റം ആരംഭിക്കുന്നുവെന്നും, മാറ്റത്തിനായി പൊരുതിയവര്ക്ക് നന്ദിയെന്നും വിജയം നേടിയ ശേഷം നിയുക്ത ബ്രിട്ടീഷ് പ്രധാനമന്ത്രി കെയ്ര് സ്റ്റാര്മര് പറഞ്ഞു. സാമ്പത്തിക പ്രതിസന്ധിയും കുടിയേറ്റവും ആരോഗ്യമേഖലയും മുഖ്യ ചര്ച്ചാവിഷയങ്ങളായ തെരഞ്ഞെടുപ്പില് ഋഷി സുനകിന്റെയും കണ്സര്വേറ്റിവ് സര്ക്കാരിന്റെയും നയങ്ങള് ജനം പാടെ തള്ളുകയായിരുന്നു. ഒട്ടേറെ മുതിര്ന്ന കണ്സര്വേറ്റിവ് നേതാക്കള് പരാജയപ്പെട്ടപ്പോള് ഋഷി സുനക്കിന് റിച്ച്മണ്ട് ആന്ഡ് നോര്തലേര്ട്ടന് സീറ്റ് നിലനിര്ത്താനായി എന്നത് മാത്രമാണ് ആശ്വാസം. കണ്സര്വേറ്റിവ് പാര്ട്ടിയുടെ പരാജയത്തിന്റെ പൂര്ണ്ണ ഉത്തരവാദിത്തം ഏറ്റെടുക്കുന്നതായി ഋഷി സുനക് പ്രതികരിച്ചു
About the Author
