തിരുവനന്തപ്പുരം: കേന്ദ്ര സർക്കാരിന്റെ വിദേശ സംഭാവന നിയന്ത്രണ (എഫ്സിആര്ഐ) നിയമ ഭേദഗതി ബില്ലിനെതിരെ സംസ്ഥാനത്തെ ഭരണ പ്രതിപക്ഷം.
വിദേശ സംഭാവന സ്വീകരിക്കല് നിയന്ത്രണ നിയമം ഭേദഗതി വരുത്തുന്നതിനുള്ള ബില്ലിലെ ചില വ്യവസ്ഥകള് രാജ്യത്തെ ന്യൂനപക്ഷ വിഭാഗങ്ങള്ക്കിടയിലും വിവിധ മത വിഭാഗങ്ങള് നടക്കുന്ന ധര്മ്മസ്ഥാപനങ്ങള്ക്കിടയിലും വലിയ ആശങ്ക ഉയര്ത്തിയിരിക്കുകയാണെന്ന് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിക്ക് അയച്ച കത്തിൽ ആരോപിച്ചു. എഫ്സിആർഎ ഭേദഗതിയുമായി മുന്നോട്ട് പോകുന്നതില് നിന്ന് പിന്തിരിയണമെന്ന് ആവശ്യപ്പെട്ടു
അഞ്ച് സംസ്ഥാനങ്ങള് നിയമസഭാ തിരഞ്ഞെടുപ്പിന്റെ പടിവാതിലില് നില്ക്കുമ്പോള് ഇങ്ങനെയൊരു ന്യൂനപക്ഷ വിരുദ്ധ നിയമം കൊണ്ടുവരുന്നത് നിഗൂഢ ലക്ഷ്യങ്ങളോടെയാണ് എന്ന് എഐസിസി ജനറല് സെക്രട്ടറി കെസി വേണുഗോപാല് എംപി ആരോപിച്ചു.
ബിജെപി സര്ക്കാരിന്റെ ഡ്രാക്കോണിയന് നിയമങ്ങളില് ഏറ്റവും ഒടുവിലത്തേതാണ് ഇത്. ചൂതാട്ട പലകയിലെ കരുക്കളല്ല രാജ്യത്തെ ഈ ജനവിഭാഗം. അവരുടെ നിലനില്പിനെ പോലും ചോദ്യം ചെയ്യുന്ന കരിനിയമമാണിത് – കെസി വേണുഗോപാല് പറഞ്ഞു.
ബില് അപ്രതീക്ഷിതമായി ലോക്സഭയില് സപ്ലിമെന്ററി ബിസിനസില് ഉള്പ്പെടുത്തി അവതരിപ്പിച്ചപ്പോള് തന്നെ പ്രതിപക്ഷം അപകടം മണത്തറിഞ്ഞിരുന്നുവെന്ന് കെസി വേണുഗോപാല് വ്യക്തമാക്കി. കോണ്ഗ്രസില് നിന്ന് മനീഷ് തിവാരി ബില്ലിനെ നാലുകാരണങ്ങളാല് ശക്തമായി എതിര്ത്ത കാര്യവും അദ്ദേഹം ചൂണ്ടിക്കാട്ടി. .
About the Author
