പാലക്കാട്: തേങ്കുറിശ്ശി ദുരഭിമാനക്കൊലയില് നാളെ (ഒക്ടോബർ 28 തിങ്കളാഴ്ച)പാലക്കാട് ജില്ലാ സെഷന്സ് കോടതി വിധി പറയും. പ്രതികള്ക്ക് വധശിക്ഷ നല്കണമെന്നാണ് പ്രോസിക്യൂഷന്റെ ശക്തമായ വാദം നടന്നു. കൊല്ലപ്പെട്ട അനീഷിന്റെ ഭാര്യ ഹരിതയുടെ അമ്മാവന് ഇലമന്ദം കുമ്മാണി ചെറുതുപ്പല്ലൂര് സുരേഷ് ആണ് ഒന്നാം പ്രതി. ഹരിതയുടെ അച്ഛന് തേങ്കുറുശ്ശി ഇലമന്ദം കുമ്മാണി ചെറുതുപ്പല്ലൂര് പ്രഭുകുമാറാണ് രണ്ടാം പ്രതി.
2020 ഡിസംബര് 25നാണ് ഹരിതയുടെ അച്ഛനും അമ്മാവനും ചേര്ന്ന് അനീഷിനെ കൊലപ്പെടുത്തിയത്. സാമ്പത്തികമായി ഉയര്ന്നനിലയിലുള്ള ഹരിതയെ ജാതിയിലും സമ്പത്തിലും അന്തരമുള്ള അനീഷ് (27) പ്രണയിച്ച് വിവാഹം ചെയ്തതിനാണ് വിവാഹത്തിന്റെ 88-ാം ദിവസം സുരേഷും പ്രഭുകുമാറും ചേര്ന്ന് അനീഷിനെ കുത്തിക്കൊലപ്പെടുത്തിയത്. പെയിന്റിങ് തൊഴിലാളിയായിരുന്നു അനീഷ്. ഇരുവരും സ്കൂള് കാലംമുതല് പ്രണയത്തിലായിരുന്നു
About the Author
