തിരുവനന്തപുരം: കാറിലും ബൈക്കിലും കുട്ടികൾക്ക് സുരക്ഷിത യാത്ര ഒരുക്കാൻ 4 വയസ്സിന് മുകളിലുള്ള കുട്ടികൾക്ക് ഹെൽമറ്റ് നിർബന്ധമാക്കി
സംസ്ഥാന ഗതാഗത കമ്മീഷൻ.
14 വയസ് വരെയുള്ള കുട്ടികൾക്ക് കാറുകളിൽ പ്രത്യേക സീറ്റ് നിർബന്ധമാക്കുന്നു. ഡിസംബർ മാസം മുതൽ പിഴ ഈടാക്കും.
1-4 വരെയുള്ള കുട്ടികൾക്ക് പിൻസീറ്റിൽ പ്രത്യേക സീറ്റും 4-14 വരെ പ്രായമുള്ള കുട്ടികൾക്ക് പ്രത്യേക മാതൃകയിലുള്ള സീറ്റാണ് നിര്ബന്ധമാക്കുക. 4-14 വയസ്സുവരെയുള്ള കുട്ടികളുടെ ഉയരത്തിന് അനുസരിച്ച് സീറ്റ് തയ്യാറാക്കണമെന്നാണ് ഗതാഗത കമ്മീഷണർ നിര്ദേശിച്ചിരിക്കുന്നത്.
നാലു വയസില് താഴെയുള്ള കുട്ടികള്ക്ക് കാറുകളുടെ പിന്സീറ്റില് പ്രായത്തിന് അനുസരിച്ച്, ബെല്റ്റ് ഉള്പ്പെടെയുള്ള പ്രത്യേക ഇരിപ്പിടം (ചൈല്ഡ് റിസ്ട്രെയിന്റ് സിസ്റ്റം) സജ്ജമാക്കണം. നാല് മുതല് 14 വയസ് വരെയുള്ള, 135 സെ.മീറ്ററിൽ താഴെ ഉയരവുമുള്ള കുട്ടികള് കാറിന്റെ പിന്സീറ്റില് ചൈല്ഡ് ബൂസ്റ്റര് കുഷ്യനില് സുരക്ഷാ ബെല്റ്റ് ധരിച്ചു വേണം ഇരിക്കാന്. സുരക്ഷാ സംവിധാനങ്ങള് ഉപയോഗിക്കുന്നുണ്ടെന്ന് ഡ്രൈവര് ഉറപ്പാക്കണം. കാറും ടാങ്കര് ലോറിയും കൂട്ടിയിടിച്ചുണ്ടായ അപകടത്തില് എയര്ബാഗ് മുഖത്തമര്ന്നതിനെത്തുടര്ന്ന് മാതാവിന്റെ മടിയിലിരുന്ന രണ്ടു വയസ്സുകാരി ശ്വാസംമുട്ടി മരിച്ചതിനെ തുടർന്നാണ് നടപടി.
About the Author
