കൊല്ലം : കൊല്ലം കുഴിത്തുറ ഗവ. ഹയര് സെക്കന്ഡറി സ്കൂളിലെ അധ്യാപികയായ ബി ഡാലിയ ടീച്ചർ ആറു പേര്ക്ക് പുതുജീവനേകി യാത്രയായി.കൊല്ലം കരുനാഗപ്പള്ളി ആലുംകടവ് സ്വദേശിയായ ഡാലിയ ടീച്ചര് മസ്തിഷ്ക മരണമടഞ്ഞതിനെ തുടര്ന്ന് ബന്ധുക്കള് അവയവദാനത്തിന് സന്നദ്ധത അറിയിച്ചതിനെ തുടർന്നാണ് ചികിത്സയിൽ വിവിധ ആശുപത്രിയിൽ കഴിഞ്ഞ ആറു പേർക്ക് ജീവിത പ്രതീക്ഷകളിലേക്ക് നടക്കാൻ സാഹചര്യമുണ്ടായത്.
ജൂലൈ 19ന് വെള്ളിയാഴ്ചയാണ് തലച്ചോറിലെ രക്തസ്രാവത്തെ തുടര്ന്ന് ഡാലിയ ടീച്ചറെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചത്.ഞായറാഴ്ച വൈകീട്ടോടെ മസ്തിഷ്ക മരണം സ്ഥിരീകരിക്കുകയായിരുന്നു.
തുടര്ന്ന് ജലസേചന വകുപ്പില് സീനിയര് ക്ലര്ക്കായ ഭര്ത്താവ് ജെ. ശ്രീകുമാറും മക്കളായ ശ്രീദേവന്, ശ്രീദത്തന് എന്നിവരും ചേര്ന്ന് അവയവദാന സമ്മത പത്രം ഒപ്പിട്ട നൽകി.
ഹൃദയവും, രണ്ട് വൃക്കകളും കരളും രണ്ട് കണ്ണുകളും ഉള്പ്പെടെ ആറ് അവയവങ്ങള അവയവങ്ങളാണ് ദാനം ചെയ്തത്. സര്ക്കാരിന്റെ അവയവദാന പദ്ധതിയായ കെ-സോട്ടോ (കേരള സ്റ്റേറ്റ് ഓര്ഗന് ആന്റ് ടിഷ്യു ട്രാന്സ്പ്ലാന്റ് ഓര്ഗനൈസേഷന്) വഴിയാണ് അവയവ വിന്യാസം നടത്തിയത്.ഹൃദയ സംബന്ധമായ രോഗത്തെ തുടര്ന്ന് തിരുവനന്തപുരം ശ്രീചിത്ര ഇന്സ്റ്റിറ്റ്യൂട്ട് ഫോര് മെഡിക്കല് സയന്സസ് ആന്റ് ടെക്നോളജിയില് ചികിത്സയിലുള്ള തൃശൂര് ചാവക്കാട് സ്വദേശിനി 14 വയസുകാരിയ്ക്കാണ് ഹൃദയം മാറ്റിവച്ചത്.
ഒരു വൃക്ക തിരുവനന്തപുരം മെഡിക്കല് കോളജിലെ രോഗിക്കും ഒരു വൃക്കയും കരളും ഡാലിയ ടീച്ചര് ചികിത്സയിലിരുന്ന ആശുപത്രിയിലെ രോഗികള്ക്കും നേത്രപടലങ്ങള് തിരുവനന്തപുരം സര്ക്കാര് കണ്ണാശുപത്രിയിലെ രോഗികള്ക്ക നല്കിയത്.
About the Author
