തിരുവനന്തപുരം : ബി ജെ പി യിൽ നിന്ന് മനസ്സുമടുപ്പിക്കുന്ന അനുഭവങ്ങള് ആണ് തനിക്കു നേരിടേണ്ടി വന്നത് എന്ന് പ്രശസ്ത സിനിമ താരം ഭീമന്രഘു. ആ കാരണം കൊണ്ടുതന്നെ താൻ സിപിഎം ലേക്ക് പോകുകയാണെന്നും ഭീമൻ രഘു പറഞ്ഞു.
മുഖ്യമന്ത്രി പിണറായി വിജയന് വിദേശയാത്ര കഴിഞ്ഞ് തിരിച്ചെത്തിയാല് പാര്ട്ടിപ്രവേശത്തെ സംബന്ധിച്ച് നേരില് കണ്ടു സംസാരിക്കുമെന്നും ഭീമന് രഘു പറഞ്ഞു.
കഴിഞ്ഞ നിയമസഭാ തിരഞ്ഞെടുപ്പില് ബിജെപി സ്ഥാനാര്ത്ഥിയായി ഭീമന് രഘു മത്സരിച്ചിരുന്നു. കുറച്ചുനാളുകള്ക്ക് മുന്പാണ് ബിജെപിയ്ക്ക് വേണ്ടി ഇനി മത്സരിക്കില്ലെന്നും ബിജെപിയുടെ രാഷ്ട്രീയത്തോട് താല്പര്യമില്ലെന്നും ഭീമന് രഘു വ്യക്തമാക്കിയത്.
”ബിജെപിയിലുണ്ടായിരുന്ന കാലത്ത് ജനങ്ങള്ക്കിടയില് നിന്ന് പ്രവര്ത്തിക്കാനായില്ല. ബിജെപിയുമായി ഇനി ചേര്ന്ന് പ്രവര്ത്തിക്കാനാകില്ലെന്ന് ഞാന് നേരത്തേ പറഞ്ഞതാണ്. മനസ്സുമടുപ്പിക്കുന്ന ഒരുപാട് അനുഭവങ്ങള് കേരളത്തിലെ ബിജെപി നേതൃത്വത്തില് നിന്നുണ്ടായി. തെരഞ്ഞെടുപ്പ് സമയത്ത് ഒരുപാട് പ്രയാസങ്ങളിലൂടെ കടന്നുപോയി. നമുക്ക് ജനങ്ങളിലേക്കിറങ്ങി പ്രവര്ത്തിക്കാന് അവസരം ലഭിച്ചില്ല. രാഷ്ട്രീയപ്രവര്ത്തനം ഏറെ ഇഷ്ടപ്പെടുന്ന ഒരാളാണ് ഞാന്. അതുകൊണ്ടു തന്നെയാണ് ഞാന് ഈ മേഖലയിലേക്ക് വന്നതും. എന്നാല് ഞാന് പ്രതീക്ഷിച്ചതല്ല ബിജെപിയില് അംഗത്വമെടുത്തതിന് ശേഷം സംഭവിച്ചത്.
എനിക്ക് വളരെ ഇഷ്ടമുള്ളയാളാണ് മുഖ്യമന്ത്രി പിണറായി വിജയന്. അദ്ദേഹത്തിന്റെ പ്രവര്ത്തനങ്ങളെ ഞാന് എല്ലായ്പ്പോഴും പ്രശംസിച്ചിട്ടുണ്ട്. കേരളത്തിന് വേണ്ടി ഒരുപാട് നല്ല കാര്യങ്ങളാണ് അദ്ദേഹം ചെയ്തുകൊണ്ടിരിക്കുന്നത്. കാണമെന്ന് എനിക്കാഗ്രഹമുണ്ട്-” ഭീമന് രഘു പറഞ്ഞു.
About the Author
