ആലപ്പുഴയില് അമിതവേഗതയിലെത്തിയ ബൈക്കിടിച്ച് നാലുവയസുകാരി മരിച്ചു
ആലപ്പുഴ:അമിതവേഗതയിലെത്തിയ ബൈക്കിടിച്ച് നാലുവയസുകാരി മരിച്ചു.ഈരാറ്റുപേട്ട സ്വദേശി ഫാസില്-റാസന ദമ്പതികളുടെ മകള് ഫൈഹ ഫാസില്(4 ) ആണ് മരിച്ചത്. കുട്ടിയെ ഇടിച്ച ബൈക്ക് നിര്ത്താതെ പോയി.യഥാസമയം ചികിത്സ ലഭിക്കാതിരുന്നത് കുട്ടിയുടെ മരണത്തിന് കാരണമായിട്ടുണ്ടെന്ന് കുടുംബം പരാതിപ്പെട്ടു.പൂഞ്ഞാർ ഗൈഡൻസ് പബ്ലിക്ക് സ്കൂളിലെ എൽ കെ ജി വിദ്യാർത്ഥിനിയാണ് .
ഞായറാഴ്ച വൈകിട്ട് 3.30 ഓടെയായിരുന്നു സംഭവം.ഈരാറ്റുപേട്ടയില് നിന്ന് ഒരു ബന്ധുവിന്റെ കല്ല്യാണത്തിന് ആലപ്പുഴയിലെത്തിയതായിരുന്നു ഫാസിലും കുടുംബം. വിവാഹ സത്കാരത്തിന് ശേഷം മടങ്ങവെ ആലപ്പുഴ കോണ്വെന്റ് സ്ക്വയറിന് സമീപത്തുവച്ചാണ്അപകടമുണ്ടായത്.
റോഡരികിലൂടെ നടക്കുകയായിരുന്ന കുട്ടിയെ അമിത വേഗത്തിലെത്തിയ ബൈക്ക് ഇടിച്ചുതെറിപ്പിക്കുകയായിരുന്നു. ഉടന് തന്നെ ജില്ലാ ജനറല് ആശുപത്രിയിലേക്കും പിന്നീട് വണ്ടാനം മെഡിക്കല് കോളജിലേക്കും കുട്ടിയെ എത്തിച്ചെങ്കിലും ആറരയോടെ കുട്ടി മരണപ്പെട്ടു. ആശുപത്രിയിലെത്തിച്ചെങ്കിലും പ്രാഥമിക ചികിത്സ പോലും നല്കാതെ ഒരു മണിക്കൂറോളം വൈകിപ്പിച്ചു എന്നാണ് കുടുംബത്തിന്റെ ആരോപണം.
About the Author
