തിരുവനന്തപുരം: സംസ്ഥാനത്ത് കോവിഡ് പരിശോധന നിര്ബന്ധമാക്കുന്നു. പനി, ശ്വാസസംബന്ധമായ പ്രശ്നങ്ങൾ എന്നീ ലക്ഷണങ്ങളോടെ ആശുപത്രിയില് പ്രവേശിപ്പിക്കപ്പെട്ടിട്ടുള്ള എല്ലാവര്ക്കും കോവിഡ് 19 പരിശോധന നടത്തണമെന്ന് ആരോഗ്യവകുപ്പ് ഡയറക്ടര് പുറത്തിറക്കിയ സര്ക്കുലറില് വ്യക്തമാക്കുന്നു. റാപ്പിഡ് ആന്റിജന് ടെസ്റ്റ് നടത്തി ഫലം നെഗറ്റീവെങ്കില് ആര്ടി പിസിആര് ചെയ്യണമെന്നും ആരോഗ്യവകുപ്പ് നിര്ദേശിച്ചു.ദക്ഷിണ പൂര്വേഷ്യന് രാജ്യങ്ങളില് കണ്ടെത്തിയ ഒമിക്രോണ് ജെഎന് 1 വകഭേദമായ എല്എഫ് 7 ആണ് കേരളത്തില് വ്യാപിക്കുന്നതെന്ന് കണ്ടെത്തിയിട്ടുണ്ട്. ഈ വകഭേദത്തിന് തീവ്രത കുറവാണെങ്കിലും വ്യാപന ശേഷി ഉള്ളതിനാല് ജാഗ്രത പാലിക്കണമെന്ന് ആരോഗ്യവകുപ്പ് അറിയിച്ചു.
രോഗം ഗുരുതരമാകാന് സാധ്യതയുള്ളവര്ക്ക് മാസ്ക് നിര്ബന്ധമാക്കി. കോവിഡ് രോഗികളെ പ്രത്യേക വാര്ഡില് പാര്പ്പിക്കണമെന്നും നിര്ദേശമുണ്ട്. കേരളത്തില് നിലവിൽ 1435 കോവിഡ് രോഗികളാണുള്ളത്. എട്ട് മരണവും സ്ഥിരീകരിച്ചു. രാജ്യത്ത് ഏറ്റവും കൂടുതല് രോഗിബാധിതര് കേരളത്തിലാണ്. ഈ സാഹചര്യത്തിലാണ് ആരോഗ്യവകുപ്പ് മാര്ഗനിര്ദേശം പുറപ്പെടുവിച്ചത്.
About the Author
