തിരുവനന്തപുരം :വിദ്യാഭ്യാസ വകുപ്പിന്റെ സമ്പൂര്ണ പ്ലസ് മൊബൈൽ ആപ്പ് നിലവിൽ വന്നു .
കുട്ടികളുടെ ഹാജര് നില, പഠനപുരോഗതി, പ്രോഗ്രസ് റിപ്പോര്ട്ട് തുടങ്ങിയവ രേഖപ്പെടുത്താനും രക്ഷിതാക്കളും സ്കൂളും തമ്മിലുള്ള വിനിമയം സുഗമമാക്കാനുമായി ലക്ഷ്യം വെച്ചുള്ള മൊബൈല് ആപ്പ് വിദ്യാഭ്യാസ മന്ത്രി വി ശിവന്കുട്ടി ആപ്പ് ഉദ്ഘാടനം ചെയ്തു.
കുട്ടികളെ സംബന്ധിക്കുന്ന വിവരം സംസ്ഥാന സര്ക്കാരിന്റെ സ്റ്റേറ്റ് ഡാറ്റാ സെന്ററില് നിലനിര്ത്തി ഡാറ്റയുടെ സ്വകാര്യതയും സുരക്ഷിതത്വവും ഉറപ്പുവരുത്തിക്കൊണ്ടാണ് ഈ മൊബൈല് ആപ്പ് വികസിപ്പിച്ചിട്ടുള്ളത്. അധ്യാപകര്ക്കും രക്ഷാകര്ത്താക്കള്ക്കും പ്രത്യേകം ലോഗിന് സൗകര്യവും സമ്പൂര്ണ പ്ലസില് ഉണ്ടാകും.’സമഗ്ര’ വിഭവ പോര്ട്ടലിലെ പഠനസഹായികള് അനായാസമായി സമ്പൂര്ണ്ണ പ്ലസ് ആപ്പ് വഴി കുട്ടികള്ക്ക് തുടര്ന്ന് ലഭിക്കും.
പ്ലേസ്റ്റോറില് ‘സമ്പൂര്ണ പ്ലസ് ‘ എന്നു നല്കി ഈ മൊബൈല് ആപ് സൗജന്യമായി ഡൗണ്ലോഡ് ചെയ്യാവുന്നതാണ്. സമ്പൂര്ണ പ്ലസ് പ്രയോജനപ്പെടുത്തുന്ന സ്കൂളുകളില് രക്ഷിതാവിന് സമ്പൂര്ണയില് നല്കിയിട്ടുള്ള മൊബൈല് നമ്പര് ഉപയോഗിച്ച് ലോഗിന് ചെയ്യാന് കഴിയും
About the Author
