തിരുവനന്തപുരം : കോവിഡ് വകഭേദമായ ജെ.എന്1 കേരളത്തില് സ്ഥിരീകരിച്ച സാഹചര്യത്തിൽ ജാഗ്രതയും തയാറെടുപ്പും ശക്തമാക്കണമെന്ന് കേന്ദ്ര ആരോഗ്യ മന്ത്രാലയം സംസ്ഥാന സർക്കാരിനോട് ആവശ്യപ്പെട്ടു.ഇന്നലെ സ്ഥിരീകരിച്ച 329 കേസുകളില് 298 കേസുകള് കേരളത്തിലാണ് റിപ്പോര്ട്ട് ചെയ്തിരിക്കുന്നത്.ഒരു ഇടവേളയ്ക്ക് ശേഷമാണ് സംസ്ഥാനത്ത് കൊവിഡ് കേസുകള് ഉയര്ന്നത്. കൊവിഡ് പരിശോധന ഏറ്റവും കൂടുതല് നടക്കുന്നതും കേരളത്തിലാണ്. ദിവസം 700, 1000 കോവിഡ് പരിശോധന നടക്കുന്നുണ്ട്. നിലവില് 1324 പേരാണ് ചികിത്സയിലുള്ളത്. ഇതിന്റെ രണ്ടിരട്ടിയിലധികം ആളുകള് കൊവിഡ് തിരിച്ചറിയാതെ പകര്ച്ചപനിയ്ക്ക് സ്വയം ചികിത്സിക്കുന്നുണ്ടെന്നാണ് ആരോഗ്യവിദഗ്ദ്ധരുടെ കണക്ക്.കടുത്ത ചുമ, തൊണ്ടയിലെ അസ്വസ്ഥത,ശ്വാസകോശ പ്രശ്നങ്ങള് എന്നിവയാണ് പ്രകടമാവുന്നത്.
പ്രായമായവരും ഗര്ഭിണികളും ജാഗ്രതപുലര്ത്തണമെന്ന് ആരോഗ്യ വകുപ്പ് നിർദേശം നൽകി. ഡെങ്കി,എലിപ്പനി കേസുകളും സംസ്ഥാനത്ത് കൂടുതലാണ്. പനിബാധിതര് ആശുപത്രിയിലെത്തി പരിശോധന നടത്തി രോഗം കണ്ടെത്തി ചികിത്സിക്കണം.
കൊവിഡില് പുതിയ വകഭേദംജെ.എൻ വണ് എന്ന പുതിയ കൊവിഡ് വകഭേദമാണ് ഇപ്പോള് പടരുന്നത്.കഴിഞ്ഞ ദിവസം രണ്ട് കൊവിഡ് മരണം കൂടി റിപ്പോര്ട്ട് ചെയ്തു.
കോഴിക്കോട് കുന്നുമ്മല് കളിയാട്ട് പറമ്ബത്ത് കുമാരൻ (77), കണ്ണൂര് പാനൂര് പാലക്കണ്ടി അബ്ദുള്ള(82) എന്നിവരാണ് മരിച്ചത്.
About the Author
