വ്യാജ ഇ-കോമേഴ്സ് സൈറ്റുകളുടെ തട്ടിപ്പിനെതിരെ ജാഗ്രത നിർദ്ദേശവുമായി കേരള പോലീസ് .
കേരള പോലീസ് സോഷ്യൽ മീഡിയ പേജിലൂടെയുള്ള “ഇത്തിരി നേരം ഒത്തിരിക്കാര്യം” എന്ന പക്തിയിലൂടെയാണ് ജാഗ്രത നിർദ്ദേശം വീഡിയോ വഴി നൽകുന്നത്.
പ്രമുഖ ഇ-കോമേഴ്സ് സൈറ്റുകളുടെ പേര് ഉപയോഗിച്ച് ഓഫറുകളുടെ പേരിൽ സോഷ്യല് മീഡിയ വഴി പരസ്യം നല്കുന്ന വ്യാജ ഷോപ്പിംഗ് സൈറ്റുകള്ക്കെതിരെ ജാഗ്രത പാലിക്കുക. കുറഞ്ഞ വിലയ്ക്ക് ബ്രാന്ഡഡ് ആയ ഇലക്ട്രോണിക്സ്, മറ്റു ഉത്പന്നങ്ങള് എന്നിവ നല്കുന്നു എന്ന രീതിയിൽ സോഷ്യല് മീഡിയ വഴി പരസ്യങ്ങള് നൽകിയാണ് ഇവർ തട്ടിപ്പുകൾ നടത്തുന്നത്. ഒറ്റ നോട്ടത്തിൽ യഥാർഥ സൈറ്റ് പോലെ തോന്നിക്കുന്ന ഈ സൈറ്റുകളിൽ കയറി ഓർഡർ ചെയ്ത് പണം നഷ്ടപ്പെടുന്നവരുടെ എണ്ണം കൂടുകയാണ്.
ഇത്തരം വ്യാജ സൈറ്റുകൾ തിരിച്ചറിയുന്നതിന് അവയുടെ വെബ്സൈറ്റ് അഡ്രസ്സ് സൂക്ഷ്മമായി പരിശോധിച്ചാല് മതിയാകും. ഉപയോക്താക്കള് ഇത്തരം തട്ടിപ്പിനെതിരെ കൂടുതല് ജാഗ്രത പുലർത്തുക.
About the Author
