ബാംഗ്ളൂർ : ബിനീഷ് കോടിയേരിക്ക് ആശ്വാസമായി ഇഡി കേസില് വിചാരണക്കോടതിയുടെ നടപടികള് സ്റ്റേ ചെയ്ത് കര്ണാടക ഹൈക്കോടതി ഉത്തരവ്.
ലഹരിക്കടത്ത് കേസില് പ്രതിയല്ലാത്തതിനാല് പ്രഥമദൃഷ്ട്യാ കള്ളപ്പണം വെളുപ്പിക്കല് കേസ് ബിനീഷിനെതിരെ നിലനില്ക്കില്ലെന്ന് ഹൈക്കോടതി നിരീക്ഷിക്കുകയും വിചാരണക്കോടതിയുടെ നടപടികള് സ്റ്റേ ചെയ്യുകയുമായിരുന്നു.കര്ണാടക ഹൈക്കോടതി ജസ്റ്റിസ് ഹേമന്തിന്റേതാണ് ഇടക്കാല ഉത്തരവ്.ബിനീഷിനെതിരായ കേസ് സ്റ്റേ ചെയ്തതോടെ ഹൈക്കോടതി വാദം അവസാനിക്കുന്നതുവരെ ബിനീഷിന് വിചാരണക്കോടതിയില് ഹാജരാകേണ്ടതില്ല.നേരത്തേ കേസില് നിന്ന് ഒഴിവാക്കണമെന്നാവശ്യപ്പെട്ട് ബിനീഷ് നല്കിയ വിടുതല് ഹരജി വിചാരണക്കോടതി തള്ളിയിരുന്നു. ഇതേത്തുടര്ന്നാണ് ബിനീഷ് ഹരജിയുമായി ഹൈക്കോടതിയെ സമീപിച്ചത്.കേസില് 2020 ഒക്ടോബര് 29നാണ് ബിനീഷ് കോടിയേരി അറസ്റ്റിലായത്.
About the Author
