ദുബായ് : വിസ നിയമലംഘകർക്ക് പിഴയില്ലാതെ രാജ്യം വിടാൻ ജൂലൈ 9 വരെ സമയം അനുവദിച്ച് യുഎഇ.പ്രാദേശിക വിമാന സർവീസുകളിലെ തടസ്സങ്ങൾ കാരണം വിസ ഓവർസ്റ്റേ പിഴകളിൽ നിന്ന് ഒഴിവാക്കപ്പെട്ട വ്യക്തികൾക്ക് യുഎഇ പ്രഖ്യാപിച്ച ഇളവ് 2026 ജൂലൈ 9 വരെ പ്രാബല്യത്തിൽ തുടരുമെന്ന് ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട്സ് സെക്യൂരിറ്റി (ഐസിപി) അറിയിച്ചു. ഇതു വഴി യോഗ്യരായ വ്യക്തികൾക്ക് അവരുടെ നിയമപരമായ പദവി സ്ഥിരപ്പെടുത്തുന്നതിനും യുഎഇയിൽ താമസിക്കുന്നതിനും ജോലി ചെയ്യുന്നതിനും തുടരുന്നതിനും അല്ലെങ്കിൽ പിഴകളില്ലാതെ രാജ്യം വിടുന്നതിനുമുള്ള അവസരമാണ് നൽകുന്നത്. ജോലിക്കോ താമസ ആവശ്യങ്ങൾക്കോ വേണ്ടി യുഎഇയിൽ തുടരാൻ ആഗ്രഹിക്കുന്നവർക്ക് ഈ ഒരു മാസ കാലയളവിൽ അവരുടെ സ്റ്റാറ്റസ് സ്ഥിരപ്പെടുത്താവുന്നതാണ്
അതേസമയം, രാജ്യം വിടാൻ ആഗ്രഹിക്കുന്ന വ്യക്തികൾക്ക് സ്റ്റാൻഡേർഡ് നടപടിക്രമങ്ങൾ പാലിച്ച് നേരിട്ട് പോകാം. 2026 മാർച്ചിൽ, യുഎഇയിൽ നിന്ന് പുറത്തുപോകാൻ കഴിയാത്ത എല്ലാ വ്യക്തികളെയും ഓവർസ്റ്റേ പിഴകളിൽ നിന്ന് ഒഴിവാക്കി. 2026 ഫെബ്രുവരി 28 മുതൽ വ്യോമാതിർത്തി അടച്ചിടലുകളും വിമാന സർവീസ് താൽക്കാലികമായി നിർത്തിവെക്കലും മൂലം ദുരിതമനുഭവിക്കുന്നവർക്കാണ് ഇത് പ്രധാനമായും ബാധകമാകുക.
About the Author
