തിരുവനന്തപുരം: പ്രവാസിസംരംഭകര്ക്കായി നോര്ക്ക റൂട്സും എസ്.ബി.ഐയും സംയുക്തമായി സംഘടിപ്പിക്കുന്ന പ്രവാസി ബിസിനസ് ലോണ് ക്യാമ്പ് ഇന്ന് (ഫെബ്രുവരി 06്) വര്ക്കലയില്. വര്ക്കല ബ്ലോക്ക് പഞ്ചായത്ത് ഓഡിറ്റോറിയത്തില് (ചെറുന്നിയൂര്) നടക്കുന്ന ക്യാമ്പില് രാവിലെ 09.30 മുതല് സ്പോട്ട് രജിസ്ട്രേഷനും അവസരമുണ്ടാകും. ക്യാമ്പിന്റെ ഉദ്ഘാടനം രാവിലെ 10.30 ന് വര്ക്കല നഗരസഭ ചെയര്മാന് കെ.എം ലാജി നിര്വഹിക്കും. ചടങ്ങില് നോര്ക്ക റൂട്ട്സ് റസിഡന്റ് വൈസ് ചെയര്മാന് പി. ശ്രീരാമകൃഷ്ണന് അധ്യക്ഷത വഹിക്കും. വര്ക്കല ബ്ലോക്ക് പഞ്ചായത്ത് പ്രസിഡന്റ് അഡ്വ. സ്മിത സുന്ദരേശന് മുഖ്യാതിഥിയാകും. നോര്ക്ക പദ്ധതികള് സേവനങ്ങള് എന്നിവയുടെ അവതരണം നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരിയും , എസ്.ബി.ഐ ലോണ് സ്കീം വിശദീകരണം ചീഫ് മാനേജര് (ക്രെഡിറ്റ്) അമൃത വ്യാസും നിര്വ്വഹിക്കും. ചടങ്ങില് നോര്ക്ക റൂട്ട്സ് ജനറല് മാനേജര് രശ്മി.റ്റി സ്വാഗതം പറയും.
നാട്ടില് തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കുന്ന നോര്ക്ക ഡിപ്പാര്ട്മെന്റ് പ്രോജക്ട് ഫോര് റിട്ടേണ്ഡ് എമിഗ്രന്സ് അഥവ എന്.ഡി.പി.ആര്.ഇ.എം പദ്ധതി പ്രകാരമാണ് ക്യാമ്പ്. രണ്ട് വര്ഷത്തില് കൂടുതല് വിദേശത്തു ജോലിചെയ്തു നാട്ടില് സ്ഥിരതാമസമാക്കിയ പ്രവാസി കേരളീയര്ക്ക് സ്വയംതൊഴില് സംരംഭങ്ങള് ആരംഭിക്കുന്നതിനും നിലവിലുള്ളവയുടെ വിപുലീകരണത്തിനും പ്രയോജനപ്പടുത്താം. പാസ്സ്പോര്ട്ട്, ആധാര്, പാന്കാര്ഡ്, ഇലക്ഷന് ഐ.ഡി, റേഷന് കാര്ഡ് എന്നിവയുടെ ഒറിജിനലും പകര്പ്പുകളും, രണ്ട് പാസ്പോര്ട്ട് സൈസ് ഫോട്ടോകള് പദ്ധതി-വിശദീകരണം, പദ്ധതിക്കാവശ്യമായ മറ്റു രേഖകള് എന്നിവ സഹിതമാണ് പങ്കെടുക്കേണ്ടത്. പ്രവാസി കൂട്ടായ്മകള്, പ്രവാസികള് ചേര്ന്ന് രൂപീകരിച്ച കമ്പനികള്, സൈാസൈറ്റികള് എന്നിവര്ക്കും പങ്കെടുക്കാവുന്നതാണ്.
About the Author
