തിരുവനന്തപുരം: ഉപതെരഞ്ഞെടുപ്പിൽ പാലക്കാട് നിയമസഭാ മണ്ഡലത്തിൽ നിന്നും വിജയിച്ച കോണ്ഗ്രസ് നേതാവ് രാഹുൽ മാങ്കൂട്ടത്തിലും , ചേലക്കര നിയമസഭ മണ്ഡലത്തില് നിന്നും വിജയിച്ച സിപിഎമ്മിന്റെ യുആര് പ്രദീപും നിയമസഭ ഹാളിൽ നടന്ന ലളിതമായ ചടങ്ങിൽ എംഎല്എമാരായി സത്യപ്രതിജ്ഞ ചെയ്ത് ചുമതലയേറ്റു. നിയമസഭ സ്പീക്കര് എഎൻ ഷംസീര് സത്യവാചകം ചൊല്ലികൊടുത്തു. യുആര് പ്രദീപ് ആണ് ആദ്യം സത്യപ്രതിജ്ഞ ചെയ്തത്. സഗൗരവമായിരുന്നു സത്യപ്രതിജ്ഞ.
തുടര്ന്ന് രാഹുൽ മാങ്കൂട്ടത്തിൽ സത്യപ്രതിജ്ഞ ചെയ്തു. ദൈവനാമത്തിലായിരുന്നു രാഹുലിന്റെ സത്യപ്രതിജ്ഞ. ആദ്യമായാണാണ് രാഹുൽ എംഎല്എയാകുന്നത്. രണ്ടാം തവണയാണ് യുആര് പ്രദീപ് എംഎല്എയാകുന്നത്.മുഖ്യമന്ത്രിയും പ്രതിപക്ഷ നേതാവും മന്ത്രിമാരും അടക്കമുള്ള നേതാക്കള് സംബന്ധിച്ചു.
About the Author
