ഡല്ഹി:ഡല്ഹി മുഖ്യമന്ത്രിയും ആം ആദ്മി പാര്ട്ടി നേതാവുമായ അരവിന്ദ് കെജ്രിവാളിനെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തതില് പ്രതിഷേധിച്ച് മഹാറാലിയുമായി ഇന്ത്യ മുന്നണി. മാര്ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്ഹി മന്ത്രിയും ആപ്പ് നേതാവുമായ ഗോപാല് റായ് പറഞ്ഞു.
രാജ്യത്ത് പ്രധാനമന്ത്രി നരേന്ദ്ര മോദിയുടെ ഏകാധിപത്യമാണ്. പ്രതിപക്ഷ പാര്ട്ടികളെ തകര്ക്കാന് പ്രധാനമന്ത്രി അന്വേഷണ ഏജന്സികളെ ഉപയോഗിക്കുന്നു. അറസ്റ്റ് മാത്രമല്ല ബി.ജെ.പി ചെയ്തത്. ആം ആദ്മി പാര്ട്ടിയുടെ ഓഫീസ് സീല് ചെയ്യുകയുമുണ്ടായി. നേതാക്കള്ക്ക് പാര്ട്ടി ആസ്ഥാനത്ത് എത്താന് പോലും സാധിച്ചില്ല.ബി.ജെ.പി ഇലക്ടറല് ബോണ്ടിലൂടെ അഴിമതി നടത്തുകയായിരുന്നുവെന്നും അദ്ദേഹം പറഞ്ഞു.
ജനാധിപത്യത്തെ സംരക്ഷിക്കാനുള്ള പോരാട്ടമാണിതെന്ന് കോണ്ഗ്രസ് നേതാവ് അരവിന്ദര് സിങ് ലൗലി പറഞ്ഞു. പ്രതിപക്ഷ സഖ്യത്തിലെ എല്ലാ പാര്ട്ടികളും ഒറ്റക്കെട്ടാണ്. ഞായറാഴ്ച നടക്കുന്ന റാലിയില് ഇന്ത്യ സഖ്യത്തിലെ മുതിര്ന്ന നേതാക്കള് പങ്കെടുക്കും. രാജ്യത്തെ സംരക്ഷിക്കാനാണ് റാലി.
About the Author
