അബുദാബി : യു എ ഇ യിലെ ആദ്യ പരമ്പരാഗത ഹിന്ദു ക്ഷേത്രം പ്രധാനമന്ത്രി നരേന്ദ്രമോദി ഫെബ്രുവരി 14 ന് ഭക്തർക്ക് സമർപ്പിക്കും.ഫെബ്രുവരി 14ന് ആരാധനാ കര്മങ്ങള്ക്ക് ശേഷം സമര്പ്പണ ചടങ്ങ് നടക്കുമെങ്കിലും 18 നാണ് പൊതുജനങ്ങള്ക്കായി തുറക്കുകയെന്നും ക്ഷേത്രത്തിന്റെ നിർമ്മാണം അവസാനഘട്ടത്തിലാണെന്നും അധികൃതർ അറിയിച്ചു.
ക്ഷേത്ര സമുച്ചയത്തില് സന്ദര്ശക കേന്ദ്രം, പ്രാര്ത്ഥനാ ഹാളുകള്, പ്രദര്ശനങ്ങള്, പഠന-കായിക മേഖലകള്, വിശാലമായ പാര്ക്കിങ്, പൂന്തോട്ടങ്ങള്, ഒരു ഫുഡ് കോര്ട്ട്, പുസ്തകശാല, ഗിഫ്റ്റ് ഷോപ്പുകള് എന്നിവയുണ്ട്.ആയിരത്തിലേറെ വര്ഷക്കാലം കേടുപാടുകളില്ലാതെ നിലനില്ക്കുന്ന പിങ്ക് മണല്ക്കല്ല് ഉപയോഗിച്ചാണ് നിര്മാണം. വെള്ള മാര്ബിളുകളും ഉപയോഗിച്ചിട്ടുണ്ട്. എല്ലാ മതവിഭാഗങ്ങളില് പെട്ടവര്ക്കും പ്രവേശനം അനുവദിക്കും. 8,000 നും 10,000 നും ഇടയില് ആളുകളെ ഉള്ക്കൊള്ളാന് ക്ഷേത്രത്തില് സൗകര്യമുണ്ട്.
About the Author
