മസ്ക്കറ്റ് :ഒമാന്റെ ബജറ്റ് എയർ വിമാനമായ സലാം എയർ മസ്കറ്റ്-കോഴിക്കോട് സർവിസിന് ശനിയാഴ്ച തുടക്കമാകും.മസ്കറ്റിൽ നിന്ന് രാത്രി 10.30ന് പുറപ്പെടുന്ന വിമാനം പുലർച്ച 3.20ന് കോഴിക്കോട്ടെത്തും. തിരിച്ച് കോഴിക്കോടുനിന്ന് ഡിസംബർ 17 മുതലാണ് മസ്കറ്റിലേക്കുള്ള സർവിസ് ആരംഭിക്കുന്നത്. ആഴ്ചയിൽ എല്ലാ ദിവസവും സർവിസുണ്ട്. മസ്കറ്റിൽ നിന്ന് കോഴിക്കോട്ടേക്കുള്ള ടിക്കറ്റ് നിരക്ക് 65-80 റിയാലിനും ഇടയ്ക്കാണ് വെബ്സൈറ്റിൽ ഇപ്പോൾ കാണിക്കുന്നത്.20 കിലോ ലഗേജും ഏഴ് കിലോ ഹാൻഡ് ബാഗും കൊണ്ടു പോവാൻ കഴിയും. എന്നാൽ, പത്ത് റിയാൽ അധികം നൽകി ടിക്കറ്റെടുക്കുകയാണെങ്കിൽ 30 കിലോ ലഗേജും ഏഴ് കിലോ ഹാൻഡ് ബാഗും കൊണ്ട് പോകാനും സാധിക്കും.
About the Author
