റിയാദ്: സാംസ്കാരിക ലോകത്തെ ശ്രദ്ധേയമായ നേട്ടങ്ങളിലൂടെ പ്രവാസി സമൂഹത്തിന് അഭിമാനമായി മാറിയ പ്രമുഖ വ്യവസായിയും ചലച്ചിത്ര സംവിധായകനുമായ ഷാജു വാലപ്പനെ തൃശ്ശൂർ ജില്ലാ പ്രവാസി കൂട്ടായ്മ ആദരിച്ചു. നവാഗത സംവിധായകനുള്ള സത്യജിത് റേ അവാർഡ്, രാജസ്ഥാൻ ഇൻറർനാഷണൽ ഫിലിം ഫെസ്റ്റിവൽ പുരസ്കാരം എന്നിവ സ്വന്തമാക്കിയതിനാണ് അദ്ദേഹത്തെ ആദരിച്ചത്.
മലാസ് ചെറിസ് റെസ്റ്റോറന്റിൽ നടന്ന പ്രൗഢമായ ചടങ്ങിൽ തൃശ്ശൂർ കൂട്ടായ്മ പ്രസിഡണ്ട് രാധാകൃഷ്ണൻ കളവൂർ അധ്യക്ഷത വഹിച്ചു. കൂട്ടായ്മയ്ക്ക് വേണ്ടി പ്രസിഡൻറ് രാധാകൃഷ്ണൻ കളവൂർ ഉപഹാരം നൽകുകയും ജനറൽ സെക്രട്ടറി സഗീർ അന്താറത്തറ പൊന്നാടയും അണിയിച്ചു. പൊതുസമൂഹത്തിലെ വിവിധ മേഖലകളിൽ പ്രവർത്തിക്കുമ്പോഴും പ്രവാസി കൂട്ടായ്മകളിൽ നിന്നുള്ള സ്നേഹവും കരുതലും വലിയ പ്രചോദനമാണെന്ന് ആദരവിനുള്ള മറുപടി പ്രസംഗത്തിൽ ഷാജു വാലപ്പൻ പറഞ്ഞു.
സാമൂഹിക പ്രവർത്തകനായ ശിഹാബ് കോട്ടുകാട്,മാധ്യമപ്രവർത്തകരായ
ജയൻ കൊടുങ്ങല്ലൂർ, ഷംനാദ് കരുനാഗപ്പള്ളി, ഷിബു ഉസ്മാൻ
ഫോർക്ക ചെയർമാൻ റഹ്മാൻ മുനമ്പത്ത് എന്നിവർ ചടങ്ങിൽ ആശംസകൾ നേർന്നു സംസാരിച്ചു.
കൂട്ടായ്മ ജനറൽ സെക്രട്ടറി സഗീർ അന്താറത്തറ സ്വാഗതവും, ട്രഷറർ അനിൽ മാളിയേക്കൽ നന്ദിയും പറഞ്ഞു . ലിനോ മുട്ടത്ത്, മുഹമ്മദ് ഷാജി, സോനറ്റ് ,കൊടകര, ജിജു വേലായുധൻ , അനിൽ കുന്നംകുളം , ഡേവിഡ് മാങ്ങൻ ,കുമാർ കിള്ളിമംഗലം, ബാബു രാമചന്ദ്രൻ, രഘുനന്ദൻ എന്നിവർ പരിപാടികൾക്ക് നേതൃത്വം നൽകി.
About the Author
