ജിദ്ദ :ജിദ്ദ പുസ്തകമേള ഡിസംബർ 7-ന് ആരംഭിക്കും. ജിദ്ദ സൂപ്പർ ഡോമിൽ സംഘടിപ്പിക്കപ്പെടുന്ന മേള സാഹിത്യ പ്രസിദ്ധീകരണ വിവർത്തന അതോറിറ്റിയുടെ നേതൃത്വത്തിലാണ് സംഘടിപ്പിക്കുന്നത്. മേളയിൽ ഏകദേശം 600-ലധികം പ്രസിദ്ധികരണ സ്ഥാപനങ്ങൾ പങ്കെടുക്കുമെന്ന് അധികൃതർ അറിയിച്ചു.
പ്രാദേശിക, അറബ്, രാജ്യാന്തര പ്രസിദ്ധീകരണ സ്ഥാപനങ്ങളുടെ പങ്കാളിത്തം മേളയിലുണ്ടാകും. സാംസ്കാരിക സംഘടനകളുടെ പങ്കാളിത്തത്തോടെ സമഗ്രമായ സാംസ്കാരിക പരിപാടികളും നടത്തപ്പെടും.
ഈ വർഷം സാഹിത്യ, പ്രസിദ്ധീകരണ, വിവർത്തന അതോറിറ്റി സംഘടിപ്പിക്കുന്ന നാലാമത്തെ പുസ്തകമേളയാണിത്. പ്രഭാഷണങ്ങൾ, സാംസ്കാരിക ശിൽപശാലകൾ, വിദഗ്ധർ പങ്കെടുക്കുന്ന സെമിനാറുകൾ, കവിതാ സായാഹ്നങ്ങൾ, കുട്ടികൾക്കായുള്ള പഠന പരിശീലന കോർണറുകൾ എന്നിവയും മേളയുടെ ഭാഗമായി സംഘടിപ്പിക്കപ്പെടും.മേള ഡിസംബർ 16 ന് അവസാനിക്കും.
About the Author
