തിരുവനന്തപുരം : സംസ്ഥാനത്ത് കനത്തമഴയ്ക്ക് ശമനമായങ്കിലും താഴ്ന്ന പ്രദേശങ്ങളില് പലയിടത്തും വെള്ളക്കെട്ട് ഉള്ളതിനാൽ ദുരിതാശ്വാസ ക്യാമ്പുകള് ആരംഭിച്ചിരുന്നു. ഈ സാഹചര്യത്തില് തിരുവനന്തപുരം, കോട്ടയം ജില്ലകളിലെ ക്യാമ്പുകള് പ്രവര്ത്തിക്കുന്ന സ്കൂളുകള്ക്ക് കളക്ടര്മാര് വ്യാഴാഴ്ച അവധി പ്രഖ്യാപിച്ചു.
തിരുവനന്തപുരം താലൂക്കിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന കൊഞ്ചിറവിള യു. പി. എസ്,വെട്ടുകാട് എൽ. പി എസ്,ഗവണ്മെന്റ് എം. എൻ. എൽ. പി. എസ് വെള്ളായണി എന്നീ സ്കൂളുകൾക്ക് ഇന്ന് (ഒക്ടോബർ അഞ്ച് )ജില്ലാ കളക്ടർ ജെറോമിക് ജോർജ് അവധി പ്രഖ്യാപിച്ചു.
കോട്ടയം ജില്ലയിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന സ്കൂളുകൾക്കും വെള്ളപ്പൊക്കബാധിത മേഖലകളിലെ വേളൂർ സെന്റ് ജോൺസ് യു.പി.എസ്., തിരുവാർപ്പ് സെന്റ് മേരീസ് എൽ.പി.എസ്., കിളിരൂർ എസ്.എൻ.ഡി.പി. എച്ച്.എസ്.എസ്. എന്നീ സ്കൂളുകൾക്കും വ്യാഴാഴ്ച(2023 ഒക്ടോബർ 5) അവധി പ്രഖ്യാപിച്ച് ജില്ലാ കളക്ടർ വി. വിഗ്നേശ്വരി ഉത്തരവായി. ചെങ്ങളം ഗവൺമെന്റ് എച്ച്.എസ്.എസിൽ ക്യാമ്പ് പ്രവർത്തിക്കുന്നുണ്ടെങ്കിലും സ്കൂളിന് അവധി ബാധകമല്ല.
About the Author
