തിരുവനന്തപരും: രാജ്യത്ത് ഏറ്റവും കൂടുതൽ സൗജന്യ ചികിത്സ നൽകിയതിനുള്ള സംസ്ഥാനങ്ങൾക്കു ഏർപ്പെടുത്തിയിട്ടുള്ള കേന്ദ്ര അവാർഡ് കേരള സർക്കാരിന്.
ആയുഷ്മാന് ഭാരത് -പ്രധാനമന്ത്രി ജന് ആരോഗ്യ യോജന (എ.ബി -പി.എം .ജെ.എ.വൈ) വാർഷിക ആഘോഷങ്ങളുമായി ബന്ധപ്പെട്ടാണ് കേന്ദ്ര സർക്കാറിന്റെ നാഷനൽ ഹെൽത്ത് അതോറിറ്റി ആരോഗ്യമന്ഥൻ 2023 പുരസ്ക്കാരം കേരളത്തിന് ലഭിച്ചത്.എ.ബി.പി.എം.ജെ.എ.വൈ പദ്ധതി മുഖാന്തിരം രാജ്യത്ത് ‘ഏറ്റവും കൂടുതല് ചികിത്സ നല്കിയ സംസ്ഥാനം’, പദ്ധതി ഗുണഭോക്താക്കളായുള്ള കാഴ്ച പരിമിതര്ക്കായി പ്രത്യേകം ലഭ്യമാക്കിയ സേവനങ്ങള്ക്ക് ‘മികവുറ്റ പ്രവര്ത്തനങ്ങള്’ എന്നീ രണ്ട് വിഭാഗങ്ങളിലാണ് പുരസ്കാരങ്ങള് ലഭിച്ചത്. ഇതില് രാജ്യത്ത് ഏറ്റവും കൂടുതല് ചികിത്സ നല്കിയ സംസ്ഥാനം എന്ന വിഭാഗത്തില് ഈ സര്ക്കാരിന്റെ കാലത്ത് തുടര്ച്ചയായി ഇത് മൂന്നാം തവണയാണ് പുരസ്കാരം ലഭിക്കുന്നത്.
സാമ്പത്തിക പരിമിതികള്ക്കിടയിലും പാവപ്പെട്ട രോഗികളുടെ ചികിത്സ ഉറപ്പാക്കാന് സംസ്ഥാന സര്ക്കാര് നടത്തുന്ന പരിശ്രമങ്ങള്ക്കും പ്രവര്ത്തനങ്ങള്ക്കുമുള്ള അംഗീകാരമാണ് പുരസ്കാരമെന്നു ആരോഗ്യവകുപ്പ് മന്ത്രി വീണ ജോർജ്ജ് പ്രതികരിച്ചു
About the Author
