ദോഹ :ഇൻസ്റ്റിറ്റ്യൂഷൻ ഓഫ് എഞ്ചിനീയേഴ്സ് (ഇന്ത്യ) ഖത്തർ ചാപ്റ്റർ “Enterprise AI Governance & Risk Management ” എന്ന വിഷയത്തിൽ വെബിനാർ സംഘടിപ്പിച്ചു. ഖത്തറിലെ എഞ്ചിനീയറിംഗ് സമൂഹത്തിന്റെ പുരോഗതിക്കായി പ്രവർത്തിക്കുന്ന പ്രമുഖ പ്രൊഫഷണൽ സംഘടനയാണ് IEI QC.
ചാപ്റ്ററിന്റെ ചെയർമാൻ അബ്ദുൽ സത്താർ അധ്യക്ഷത വഹിച്ചു.
ഫെഡറേഷൻ ഓഫ് ഗ്ലോബൽ എഞ്ചിനീയേഴ്സിന്റെ പ്രസിഡന്റ് അഹമ്മദ് ജാസിം അൽ ജോലോ മുഖ്യാഥിതിയായി പങ്കെടുത്തു . ആർട്ടിഫിഷ്യൽ ഇന്റലിജൻസും (AI) ഇന്റർനെറ്റ് ഓഫ് തിംഗ്സും (IoT) തമ്മിലുള്ള വർധിച്ചുവരുന്ന സഹകരണവും അതിന്റെ ആധുനിക സാങ്കേതിക ഇക്കോസിസ്റ്റങ്ങളിലുണ്ടാക്കുന്ന പരിവർത്തനാത്മക സ്വാധീനവും അദ്ദേഹം തന്റെ പ്രഭാഷണത്തിൽ വിശദീകരിച്ചു.
വെബിനാറിന്റെ വിശിഷ്ടാതിഥിയായ ഗ്ലിമോറ ഇന്റർനാഷണലിന്റെ സ്ഥാപകനും ഗ്രൂപ്പ് സിഇഒയുമായ സന്തോഷ് ഖാർജെ പ്രസംഗിച്ചു.
ഗ്ലിമോറ ഇന്റർനാഷണലിലെ GRC പ്രാക്ടീസിന്റെ ബിസിനസ് അനലിസ്റ്റായ അർണാവ് മുഖ്യപ്രഭാഷണം നടത്തി.
എഞ്ചിനീയർമാരെയും ഭാവിതലമുറയെയും അവരുടെ മേഖലകളിൽ മികവ് പുലർത്താൻ ആവശ്യമായ അറിവും ഉപകരണങ്ങളും നൽകി ശക്തിപ്പെടുത്തുന്നതിനും സുരക്ഷിതവും നൂതനവുമായ സാങ്കേതിക ഭാവിയിലേക്ക് സംഭാവന ചെയ്യുന്നതിനുമായി ഇത്തരം പരിപാടികൾ തുടർന്നും സംഘടിപ്പിക്കുമെന്ന പ്രതിബദ്ധത ഇൻസ്റ്റിറ്റ്യൂഷൻ ഓഫ് എഞ്ചിനീയേഴ്സ് (ഇന്ത്യ) അറിയിച്ചു.
സ്ഥാപിതമായതുമുതൽ, എഞ്ചിനീയേഴ്സ് ഇൻസ്റ്റിറ്റ്യൂഷൻ (ഇന്ത്യ)യുടെ ഖത്തർ ചാപ്റ്റർ കഴിഞ്ഞ 36 വർഷമായി സ്ഥാപനത്തിന്റെ ലക്ഷ്യങ്ങൾക്കനുസൃതമായി ഖത്തറിലെ എഞ്ചിനീയറിംഗ് സമൂഹത്തിന് മികച്ച പ്രൊഫഷണൽ സേവനങ്ങൾ നിരന്തരമായി നൽകിവരുന്നു. അംഗങ്ങളായ എഞ്ചിനീയർമാർക്കായി പതിവായി സാങ്കേതിക സെമിനാറുകളും വർക്ക്ഷോപ്പുകളും സംഘടിപ്പിക്കുന്നത് ഇതിന്റെ പ്രധാന പ്രവർത്തനങ്ങളിലൊന്നാണ്. കൂടാതെ, എഞ്ചിനീയറിംഗിന്റെയും സാങ്കേതികവിദ്യയുടെയും പൊതുവായ പുരോഗതി പ്രോത്സാഹിപ്പിക്കുകയും ഖത്തറിലെ എഞ്ചിനീയറിംഗ് സമൂഹത്തിന്റെ തുടർച്ചയായ പ്രൊഫഷണൽ വികസനത്തിനായി സാങ്കേതിക ആശയവിനിമയത്തിനുള്ള ഒരു വേദി ഒരുക്കുകയും ചെയ്യുന്നു.
About the Author
