ദമാം: ലോക രക്തദാന ദിനത്തോടനുബന്ധിച്ച് പീപ്പിൾസ് ബ്ലഡ് ഡൊണേഷൻ ആർമിയും (പി ബി ഡി എ ) ദമാം ഗോൾഡൻ ഫിറ്റ്നസ് ജിമ്മും സംയുക്തമായി രക്തദാന ക്യാമ്പ് സംഘടിപ്പിച്ചു. ജൂൺ 14 ഞായറാഴ്ച രാവിലെ 8 മണി മുതൽ ഉച്ചയ്ക്ക് 2 മണി വരെ ദമാമിലെ സെൻട്രൽ ബ്ലഡ് ബാങ്കിൽ വെച്ചായിരുന്നു ക്യാമ്പ് നടന്നത്.
”രക്തദാനം ജീവദാനമാണ്” എന്ന ഉദാത്തമായ സന്ദേശം മുൻനിർത്തിയാണ് ഈ ജീവകാരുണ്യ പ്രവർത്തനം സംഘടിപ്പിച്ചത്. പ്രവാസികൾ ഉൾപ്പെടെ സമൂഹത്തിന്റെ വിവിധ തുറകളിലുള്ള നിരവധി ആളുകളാണ് രക്തം ദാനം ചെയ്യുന്നതിനായി ക്യാമ്പിലേക്ക് സജീവമായി മുന്നോട്ടുവന്നത്. ആരോഗ്യ സംരക്ഷണത്തിനൊപ്പം സാമൂഹിക പ്രതിബദ്ധതയുള്ള ഇത്തരം പ്രവർത്തനങ്ങളിൽ പങ്കാളികളാകാൻ കഴിഞ്ഞതിൽ ഏറെ സന്തോഷമുണ്ടെന്ന് രക്തദാതാക്കൾ അറിയിച്ചു.
ക്യാമ്പിന്റെ വിജയകരമായ നടത്തിപ്പിന് കോഡിനേറ്റർമാരായ ഷിനാജ് കരുനാഗപ്പള്ളി, സൈദ് എന്നിവർ നേതൃത്വം നൽകി. വരും ദിവസങ്ങളിലും സമൂഹത്തിന് ഉപകാരപ്രദമായ ഇത്തരം കൂടുതൽ ജീവകാരുണ്യ പ്രവർത്തനങ്ങളുമായി മുന്നോട്ടുപോകുമെന്ന് സംഘാടകർ വ്യക്തമാക്കി.
About the Author
