ദോഹ: ഖത്തറിലെ കൊട്ടാരക്കര നിവാസികളുടെ കൂട്ടായ്മയായ കൊട്ടാരക്കര എക്സ്പാട്രിയേറ്സ് ഫ്രെണ്ട്സ് അസോസിയേഷൻ ഫോർ ഖത്തർ(KEFAQ) പുതിയ ഭാരവാഹികളെ തെരെഞ്ഞെടുത്തു.2026-27 വർഷത്തേക്കുള്ള ഭാരവാഹികളെയും എക്സികൂട്ടിവ് കമ്മിറ്റി അംഗങ്ങളെയും ആണ് തെരെഞ്ഞെടുത്തത്.
രക്ഷാധികാരിയായി വർഗീസ് മാത്യുവും അഡ്വൈസറി ചെയർമാനായി ബിജു കെ. ഫിലിപ്പിനെയും തിരഞ്ഞെടുത്തു.
പ്രസിഡന്റായി ബിനേഷ് ബാബുവിനെയും ജനറൽ സെക്രട്ടറിയായി ജോബിൻ പണിക്കരെയും, ട്രഷററായി ബെന്നി ബേബിയെയും,വൈസ് പ്രസിഡന്റുമാരായി ബിജു പി. ജോൺ, സിബി മാത്യു എന്നിവരെയും ജോയിന്റ് സെക്രട്ടറിമാരായി ടിൻസി ജോബി, ജലു അമ്പാടിയിൽ, ഷാജി കരിക്കം എന്നിവരെയും, ജോയിന്റ് ട്രഷററായി അനീഷ് തോമസിനെയും തിരഞ്ഞെടുത്തു.
മാനേജിംഗ് കമ്മിറ്റി അംഗങ്ങളായി അജന റോഷൻ (വനിതാ ഫോറം കൺവീനർ), ഗോപിക അനീഷ്, ജൂണോ വിനീത്, അനിൽ കുമാർ ആർ., ദിപു സത്യരാജൻ, റിഞ്ചു അലക്സ്, ആകാശ് ആശ്രമം, സോജു ഫിലിപ്പ്, റെജി ലൂക്കോസ്, ചാൾസ് കെ. ചാക്കോ, ഉമ്മൻ പി. കൈപ്പള്ളി, അരുൺ ആർ. പിള്ള എന്നിവരെയും, ഓഡിറ്റർമാരായി ജേക്കബ് ബാബുവിനെയും അനീഷ് മണികണ്ഠനെയും തിരഞ്ഞെടുത്തു.
KEFAQ പ്രസിഡന്റ് ബിജു കെ. ഫിലിപ്പിന്റെ അദ്ധ്യക്ഷതയിൽ ദോഹ ICC യിൽ വച്ചുനടന്ന വാർഷിക യോഗത്തിൽ ജനറൽ സെക്രട്ടറി ബിനേഷ് ബാബു 2024 & 2025 വർഷങ്ങളിലെ വാർഷിക റിപ്പോർട്ട് അവതരിപ്പിച്ചു. തുടർന്ന് ട്രഷറർ ആർ . അനിൽ കുമാർ 2024 & 2025 വർഷങ്ങളിലെ വരവ് ചെലവ് കണക്കുകൾ, ഓഡിറ്റർസ് റിപ്പോർട്ട് എന്നിവയും അവതരിപ്പിച്ചു. ചർച്ചകൾക്ക് ശേഷം രണ്ടും പാസാക്കുകയുണ്ടായി.
ഖത്തറിലെ പ്രവാസി സംഘടനകൾക്കിടയിൽ സജീവവും മാതൃകാപരവുമായ പ്രവർത്തനം കാഴ്ചവെക്കുന്ന ഒരു കൂട്ടായ്മയാണ് ഇന്ന് കെഫാഖ് .കൊട്ടാരക്കര നിവാസികളായ പ്രവാസികളെ ഒരുമിച്ച് ചേർക്കുന്നതിനൊപ്പം, സ്വന്തം നാടിന്റെ വികസനത്തിനും ക്ഷേമത്തിനും വേണ്ടി സംഘടന വലിയ പങ്കുവഹിക്കുന്നുണ്ട്.
രക്തദാന ക്യാമ്പുകൾ, മെഡിക്കൽ ക്യാമ്പുകൾ, നിർധനരെ സഹായിക്കൽ, ചികിത്സാ സഹായം എന്നിങ്ങനെ മാതൃകാപരമായ ഒട്ടേറെ പ്രവർത്തനങ്ങളിൽ കെഫാഖ് മുൻപന്തിയിലുണ്ട്.
പ്രവാസ ജീവിതത്തിന്റെ തിരക്കുകൾക്കിടയിലും അംഗങ്ങളുടെയും കുടുംബങ്ങളുടെയും കലാപരമായ കഴിവുകളെ പ്രോത്സാഹിപ്പിക്കുന്നതിനായി വൈവിധ്യമാർന്ന സാംസ്കാരിക പരിപാടികളും കായിക പരിപാടികളും കെഫാഖ് സംഘടിപ്പിക്കാറുണ്ട്.
കൂടാതെ, ഖത്തറിലെ നിയമങ്ങളെ കുറിച്ചും തൊഴിൽപരമായ കാര്യങ്ങളെ കുറിച്ചും അംഗങ്ങളെ ബോധവൽക്കരിക്കാനും പ്രവാസികൾ നേരിടുന്ന പ്രശ്നങ്ങളിൽ കൈത്താങ്ങായി നിൽക്കുവാനും സംഘടനയായി ശ്രദ്ധിക്കാറുണ്ട്. ജാതി-മത ഭേദമന്യേ എല്ലാവരെയും ഒരേ ചരടിൽ കോർത്തിണക്കുകയും, ഖത്തറിലെ പ്രവാസി സമൂഹത്തിൽ സാമൂഹിക പ്രതിബദ്ധതയുള്ള ഒരു സംഘടനയായി സജീവ സാനിദ്യമായി കെഫാഖ് പ്രവർത്തിക്കുന്നു
About the Author
