ജുബൈൽ: വേൾഡ് മലയാളി ഫെഡറേഷൻ ജുബൈൽ കൗൺസിൽ റോയൽ കമ്മീഷൻ ഹോസ്പിറ്റലിൽ സംഘടിപ്പിച്ച ത്രിദിന രക്തദാന ക്യാമ്പ് സമാപിച്ചു.
ജുബൈൽ, സൗദി അറേബ്യ – റോയൽ കമ്മീഷൻ ഹോസ്പിറ്റലുമായി (RCH) സഹകരിച്ച് വേൾഡ് മലയാളി ഫെഡറേഷൻ (WMF) ജുബൈൽ കൗൺസിൽ സംഘടിപ്പിച്ച മൂന്ന് ദിവസം നീണ്ടുനിന്ന വിപുലമായ രക്തദാന ക്യാമ്പ് വിജയകരമായി സമാപിച്ചു. ഏപ്രിൽ 5, 6, 7 തീയതികളിലായി നടന്ന ഈ കാമ്പയിനിൽ സമൂഹത്തിന്റെ വിവിധ തുറകളിലുള്ളവരിൽ നിന്ന് മികച്ച പ്രതികരണമാണ് ലഭിച്ചത്.
ആശുപത്രിയിലെ രക്തശേഖരം വർദ്ധിപ്പിക്കുക എന്ന ലക്ഷ്യത്തോടെ നടത്തിയ ഈ സംരംഭത്തിൽ ഒട്ടനവധി ദാതാക്കൾ പങ്കാളികളായി. അടിയന്തര സാഹചര്യങ്ങളിലും ട്രോമ കെയർ വിഭാഗത്തിലും ഏറെ ആവശ്യമായ O പോസിറ്റീവ്, O നെഗറ്റീവ് ഗ്രൂപ്പുകളിൽപ്പെട്ട രക്തം ശേഖരിക്കാൻ ഈ ക്യാമ്പിലൂടെ സാധിച്ചു.
ഡബ്ല്യു.എം.എഫ് ജുബൈൽ കൗൺസിൽ ഭാരവാഹികളായ അനിൽ കുമാർ,സോണിയ ഹാരിസൺ,ഷിഹാബുദ്ദീൻ,നിസാം എന്നിവർ നേതൃത്വം നൽകി.
About the Author
