റിയാദ്: തണൽ ചേമഞ്ചേരി റിയാദ് ചാപ്റ്റർ എല്ലാ വർഷവും റമദാനിൽ നടത്താറുള്ള വാർഷിക ഫണ്ട് സമാഹരണത്തിന്റെ ഉത്ഘാടനം നടന്നു. വാദിഹനീഫയിലെ റീഫ് റിയാദ് റിസോട്ടിൽ നടന്ന ചടങ്ങിൽ തണൽ ചേമഞ്ചേരി പ്രസിഡണ്ട് അഹമദ് കോയ (സിറ്റിഫ്ലവർ) യോഗം ഉദ്ഘാടനം നിർവഹിച്ചു.
റിയാദ് ചാപ്റ്റർ പ്രസിഡണ്ട് ഗഫൂർ കൊയിലാണ്ടി അധ്യക്ഷതവഹിച്ചു.തണലിന്റെ പ്രവർത്തനങ്ങളും വർഷത്തിൽ ചാപ്റ്റർ നൽകുന്ന ഫണ്ട് വർദ്ധിപ്പിക്കണ്ട ആവശ്യകതകളെ കുറിച്ച് ആമുഖ പ്രസംഗത്തിൽ നൗഫൽ കണ്ണൻകടവ് വിശദീകരിച്ചു, ഫണ്ട് സമാഹരണം റാഫി കൊയിലാണ്ടി പ്രസിഡണ്ട് അഹമ്മദ് കോയക്ക് ഫണ്ട് കൈമാറി ഉദ്ഘാടനം നിർവഹിച്ചു. നൗഷാദ് (സിറ്റിഫ്ലവർ)ഫണ്ട് സമാഹരണത്തിന് നേതൃത്വം നൽകും.നാട്ടിൽ നിന്നും സൗദി സന്ദർശനത്തിന് എത്തിയ മുസ്തഫ പുതിയോട്ടിൽ ആശംസകൾ നേർന്ന് സംസാരിച്ചു. സെക്രട്ടറി മുബാറക് അലി സ്വാഗതവും ട്രഷറർ ഷാഹിൻ നന്ദിയും പറഞ്ഞു.
തണലിന്റെ കീഴിൽ 32 വൃക്കരോഗികൾക്ക് സൗജന്യമായി ഡയാലിസിസ് ചെയ്ത് കൊണ്ടിരിക്കുന്ന ഡയാലിസിസ് സെന്റർ,40 ൽ ഏറെ ഭിന്ന ശേഷി കുട്ടികൾക്ക് പഠനവും ഒപ്പം സ്വന്തമായി ജോലി കണ്ടെത്തുന്നതിനുള്ള ട്രെയിനിങ്ങ് നൽകി വരുന്നു. ഇതിൽ പലരും പല സ്ഥാപനങ്ങളിലും ട്രെയിനിങ്ങിലും ജോലിയിലുമാണ്. പാവപ്പെട്ട 35 പേർക്ക് സൗജന്യ ചികിൽസയും , മരുന്നും ലഭ്യമാക്കിക്കൊണ്ട് സൈക്യാട്രി ക്ലിനിക്. കൂടാതെ പാലിയേറ്റിവ് ഉപകരണങ്ങളും , ആംബുലൻസ് സേവനവും ലഭ്യമാണ്.
റിയാദിലെ നല്ലവരായ മനുഷ്യസ്നോഹികളുടെ ആത്മർത്തമായ സഹായ സഹകരണമാണ് കഴിഞ്ഞ ഒമ്പത് വർഷക്കാലം നല്ല രീതിയിൽ ഈ സെന്റെറിന്റെ മുന്നോട്ടുള്ള പ്രയാണത്തിന്ന് വലിയ സഹായമായത്.തുടർന്നും എല്ലാവരുടെയും സഹായ സഹകരണങ്ങൾ ഉണ്ടാവണമെന്ന് ഭാരവാഹികൾ അഭ്യർത്ഥിച്ചു.
About the Author
