പത്തനംത്തിട്ട :പോലീസ് ഉദ്യോഗസ്ഥരുടെ ഡ്യൂട്ടി സമയത്തെ പാചക വീഡിയോ വൈറലായതിനു തൊട്ടു പിന്നാലെ അന്വേഷണത്തിനും ഉത്തരവായി.
സ്റ്റേഷനില് കപ്പയും ചിക്കനും പാചകം ചെയ്ത് കഴിച്ച ഉദ്യോഗസ്ഥരുടെ വീഡിയോയെ കുറിച്ചാണ് ദക്ഷിണ മേഖലാ ഐജി ജില്ലാ പോലീസ് മേധാവിയോട് റിപ്പോര്ട്ട് തേടിയത്.ഡ്യൂട്ടിസമയത്ത് പാചകം ചെയ്തതിലും, വീഡിയോ ചിത്രീകരിച്ച് സമൂഹമാധ്യമത്തില് പ്രചരിപ്പിച്ചതിലും അച്ചടക്കം ലംഘനമുണ്ടോയെന്ന് പരിശോധിക്കാനാണ് നിര്ദേശം.
രണ്ടാഴ്ച മുമ്പാണ് പത്തനംതിട്ട ഇലവുംതിട്ട പോലീസ് സ്റ്റേഷനിലുള്ളവര് ചേര്ന്ന് കപ്പയും ചിക്കന് കറിയും തയ്യാറാക്കുന്നതും ഇലയില് വിളമ്പി കഴിക്കുന്നതുമായ വീഡിയോ സമൂഹമാധ്യമങ്ങളില് വൈറലായത്.
സ്പെഷ്യൽ ബ്രാഞ്ച് ഡി വൈ എസ് പി ക്കാണ് അന്വേഷണ ചുമതല. ഇന്സ്റ്റാഗ്രാമില് പങ്കുവെച്ച വീഡിയോയില് അങ്കമാലി ഡയറീസ് എന്ന സിനിമയിലെ പാട്ടിനൊപ്പമുള്ള വീഡിയോ 85 ലക്ഷത്തോളം പേരാണ് ഇതിനോടകം കണ്ടത്.
About the Author
