റിയാദ് – റിയാദിലെ കേരള എഞ്ചിനീയർസ് ഫോറം (KEFR) ഡിമോയിസ് ട്രെയിനിംഗ് ഇൻസ്റ്റിറ്റ്യൂട്ടിൽ “എഞ്ചിനീയർസ് ടു സെയിൽസ് പ്രൊ” എന്ന പരിപാടി സംഘടിപ്പിച്ചു. ടെക്നിക്കൽ പ്രൊഫഷണലുകൾക്ക് സെയിൽസ് കഴിവുകൾ വികസിപ്പിക്കാനായി ക്രമീകരിച്ച ഈ പരിശീലനം വളരെ പ്രാധാന്യപ്പെട്ടതായിരുന്നു.
കെ.ഇ.എഫ്.ആർ സെക്രട്ടറി ഹഫീസ് ബിൻ കാസിം ഉദ്ഘാടനം ചെയ്തു . സർട്ടിഫൈഡ് പ്രോഫിറ്റ് സ്ട്രാറ്റജിസ്റ്റ് സുഹാസ് ചെപ്പാലി പരിശീലനം നയിച്ചു. ‘സൈലന്റ് പിച്ച്’ എന്ന ആശയം ഒരു റോൾപ്ലേ വഴി അവതരിപ്പിച്ചുകൊണ്ടാണ് അദ്ദേഹം സെഷൻ ആരംഭിച്ചത്.
സെയിൽസ് പരാജയങ്ങളുടെ കാരണങ്ങൾ, പഴയ-പുതിയ സെയിൽസ് രീതികളുടെ താരതമ്യം എന്നിവ സുഹാസ് വിശദമായി വിശദീകരിച്ചു. പങ്കാളികൾക്കായി ക്ലയന്റ് ഇന്ററാക്ഷൻ, ഒബ്ജക്ഷൻ ഹാൻഡ്ലിംഗ് തുടങ്ങിയവയിൽ പ്രായോഗിക പരിശീലനം നൽകി.
പങ്കെടുത്ത അമീർ ഖാൻ തന്റെ സ്വന്തം അനുഭവങ്ങൾ പങ്കുവച്ചത് സെഷനെ കൂടുതൽ സമ്പന്നമാക്കി. ടെക്നിക്കൽ കൺവീനർ സുബിൻ റോഷൻ നന്ദി പറഞ്ഞു.
About the Author
