റിയാദ്: ആതുര ശുശ്രൂഷാ രംഗത്തു കരുതലിന്റെ കാവലായ നഴ്സുമാര്ക്ക് ആദരവ് നൽകി റിയാദ് മുറബ്ബ ലുലു മാള് ആണ് നഴ്സുമാരെ ആദരിച്ചത്. ‘നഴ്സുമാര് നമ്മുടെ ഭാവി; നഴ്സുമാരോടുളള കരുതല് സമ്പദ്വ്യവസ്ഥ ശക്തിപ്പെടുത്തും’ എന്ന പ്രമേയത്തിലാണ് ഈ വര്ഷം അന്താരാഷ്ട്ര നഴ്സിംഗ് കൗണ്സില് നഴ്സ് ദിനം ആചരിക്കുന്നത്.റിയാദ് കെയര് ഹോസ്പിറ്റല്, ജരീര് മെഡിക്കല് സെന്റര്,അല് റയാന് പോളിക്ലിനിക്, അല് മസീഫ് ക്ലിനിക്, ഹെല് ഒയാസിസ് ഹോസ്പിറ്റല് എന്നിവിടങ്ങളില് സേവനം അനുഷ്ടിക്കുന്ന നഴ്സുമാരാണ് പരിപാടിയില് പങ്കെടുത്തത്. നോനാലിന്, സജീന സജിന്, സന്തോഷ്, ഡോളി സാബു, അനു ഈശോ എന്നിവര് പ്രസംഗിച്ചു.വിവിധ രാജ്യങ്ങളില് നിന്നു സൗദി അറേബ്യയിലെത്തി ആതുര രംഗത്തു സേവനം സമര്പ്പിച്ച നഴ്സുമാര്ക്ക് ലുലു മാള് ഉപഹാരവും സമ്മാനിച്ചു. പരിപാടികള്ക്ക് ലുലു പ്രോപ്പര്ട്ടീസ് മാനേജര് നബീല് അല് താഫി, മാള് മാനേജര് ലാലു വര്ക്കി, മാള് സൂപ്പര്വൈസര് ഒമര് ഷെറാഹീലി, ലീസിംഗ് സൂപ്പര്വൈസര് അബ്ദുല്റഹ്മാന് സുല്ത്താന് അല് ഷറഫ് എന്നിവര് നേതൃത്വം നല്കി.
About the Author
