കൊച്ചി : കൊല്ലം കരുനാഗപ്പള്ളി ജിം സന്തോഷ് വധക്കേസിലെ മുഖ്യപ്രതിയായ ‘അലുവ’ അതുല് അറസ്റ്റില്. തമിഴ്നാട്ടിലെ തിരുവള്ളൂരില് നിന്നാണ് ഇയാള് പിടിയിലായത്. കരുനാഗപ്പളളി പൊലീസും ഡാന്സാഫും ചേര്ന്നാണ് അതുലിനെ പിടികൂടിയത്.
ഗുണ്ടാനേതാവ് സന്തോഷ് മാര്ച്ച് 27നാണ് കൊല്ലപ്പെട്ടത്. കഴിഞ്ഞ വര്ഷം നവംബറില് മറ്റൊരു ഗുണ്ടാ നേതാവിനെ കുത്തിയ കേസില് സന്തോഷ് റിമാന്ഡിലായിരുന്നു. പുറത്തിറങ്ങിയതിനു പിന്നാലെയാണ് സന്തോഷ് കൊല്ലപ്പെട്ടത്. ഗുണ്ടാപ്പകയാണ് കൊലപാതകത്തിന് കാരണമെന്ന് പൊലീസ് നേരത്തെ പറഞ്ഞിരുന്നു.
പ്രതിക്കായുള്ള അന്വേഷണം തുടരുന്നതിനിടെ ഒരാഴ്ച മുന്പ് അതുല് പൊലീസിനെ വെട്ടിച്ച് രക്ഷപ്പെട്ടിരുന്നു. ആലുവയില് വാഹനപരിശോധനയ്ക്കിടെയാണ് പ്രതി ഓടി രക്ഷപ്പെട്ടത്. കുഞ്ഞിനെയും ഭാര്യയെയും വഴിയില് ഉപേക്ഷിച്ചാണ് പ്രതി രക്ഷപ്പെട്ടത്. കേസില് നേരത്തെ രാജീവ് എന്ന രാജപ്പനുള്പ്പെടെ നാലുപേരെ പൊലീസ് അറസ്റ്റ് ചെയ്തിരുന്നു. കൊലയില് നേരിട്ട് പങ്കുള്ളയാളാണ് രാജീവ്.
About the Author
