ദോഹ:ഖത്തറിലെ സാംസ്ക്കാരിക സാമൂഹിക ജീവകാരുണ്യ രംഗത്ത് കഴിഞ്ഞ 18 വർഷമായി പ്രവർത്തിക്കുന്ന കോട്ടയം ഡിസ്ട്രിക്ട് ആർട്സ് ആൻഡ് കൾച്ചറൽ അസ്സോസിയയേഷന്റെ(KODACA) നേതൃത്വത്തിൽ ഇഫ്താർ സംഗമവും ഗാർഹിക തൊഴിലാളികളെ ആദരിക്കൽ ചടങ്ങും സംഘടിപ്പിക്കുന്നു.
2025 മാർച്ച് 13-ന് വൈകുന്നേരം 5 മണിക്ക് ഡി-റിങ് റോഡിലെ റോയൽ ഗാർഡൻസിൽ
ഗാർഹിക വനിതാ ജീവനക്കാർ മുഖ്യ അതിഥികളായി പങ്കെടുക്കുന്ന ചടങ്ങിൽ ഐ.സി.സി, ഐ സി ബി എഫ്. ഐ എസ് സി, കെ.ബി എഫ് പ്രസിഡന്റുമാരും മറ്റു വിവിധ കമ്മ്യൂണിറ്റി പ്രമുഖരും പങ്കെടുക്കും.
പ്രസിഡന്റ് മുഹമ്മദ് സിയാദ് അധ്യക്ഷത വഹിക്കുന്ന ചടങ്ങിൽ ലോക കേരള സഭാംഗം അബ്ദുൽ റഊഫ് കൊണ്ടോട്ടി ആശംസാ പ്രസംഗം നിർവഹിക്കും. കൊഡാക്ക പേട്രണും ഐ സി ബി ഫ് എം സി അംഗവുമായ റഷീദ് അഹമ്മദ്, ഉപദേശക ബോർഡ് ചെയർമാൻ ജോപ്പച്ചൻ തെക്കേകൂട്ട്, തുടങ്ങിയവർ ചടങ്ങിൽ സംസാരിക്കും.
ജനറൽ സെക്രട്ടറി ജോർജ്ജ് ജോസഫ്,ടിജു,അബ്ദുൽ കരീം,ടോണി,നിഷാദ്, മഞ്ജു മനോജ്, സിനിൽ, രഞ്ജു, ജിറ്റോ, നീതു വിപിൻ റോയ് എന്നിവർ സംഗമത്തിനു നേതൃത്വം നൽകും.
About the Author
