കൊച്ചി: കാസര്കോട് പെരിയയില് യൂത്ത് കോണ്ഗ്രസ് പ്രവര്ത്തകരായ കൃപേഷ് (21), ശരത് ലാല് (24) എന്നിവരെ കൊലപ്പെടുത്തിയ കേസില് നേരിട്ട് പങ്കെടുത്ത സി.പി.എം പ്രവര്ത്തകരായ ഒന്നുമുതല് എട്ടുവരെ പ്രതികള്ക്കും ഗൂഡാലോചനയില് പങ്കെടുത്ത 10, 15 പ്രതികള്ക്കും ഇരട്ട ജീവപര്യന്തം.
ഒന്നു മുതല് എട്ടുവരെ പ്രതികളായ എ.പീതാംബരന് (പെരിയ മുന് ലോക്കല് കമ്മിറ്റി അംഗം), സജി സി.ജോര്ജ്, കെ.എം.സുരേഷ്, കെ.അനില്കുമാര് (അബു), ഗിജിന്, ആര്. ശ്രീരാഗ് (കുട്ടു), എ. അശ്വിന് (അപ്പു), സുബീഷ് (മണി), പത്താംപ്രതി ടി. രഞ്ജിത്ത്(അപ്പു), 15ാം പ്രതി എ.സുരേന്ദ്രന് (വിഷ്ണു സുര) എന്നിവര്ക്കാണ് ഇരട്ട ജീവപര്യന്തം.
മുന് എം.എല്.എയും സി.പി.എം നേതാവുമായ കെ.വി. കുഞ്ഞിരാമന് അടക്കം മറ്റു നാലുപേര്ക്ക് 5 വര്ഷം തടവുശിക്ഷ വിധിച്ചു. എറണാകുളം പ്രത്യേക സി.ബി.ഐ കോടതി ജഡ്ജി എന്. ശേഷാദ്രിനാഥനാണ് ശിക്ഷ വിധിച്ചത്.
About the Author
