കുവൈത്ത് സിറ്റി :ഫാസിസ്റ്റ് അജണ്ടകളെ ചെറുക്കാൻ മതേതര-ജനാധിപത്യ വിശ്വാസികളുടെ കൂട്ടായ്മകൾ ഉണ്ടാകണമെന്നും കേരളത്തിലെ യുവാക്കൾ നേരിടുന്ന പ്രധാന വെല്ലുവിളിയായ തൊഴിലില്ലായ്മ പരിഹരിക്കാൻ യുവജന പ്രസ്ഥാനങ്ങളുടെ കൂട്ടായ ശ്രമങ്ങൾ വേണമെന്നും ഇന്ത്യൻ ഇസ്ലാഹീ സെന്റർ സംഘടിപ്പിച്ച ലീഡേർസ് മീറ്റ് അഭിപ്രായപ്പെട്ടു.
ഉന്നത വിദ്യാഭ്യാസം നേടിയിട്ടും സർക്കാർ ജോലികളോട് വിമുഖത കാണിക്കുകയാണ് പുതിയ കാലത്തെ യുവാക്കൾ. പൊതുജന സേവനത്തിന് അവസരമൊരുക്കുന്ന സർക്കാർ ജോലികൾക്ക് യുവാക്കളെ പ്രേരിപ്പിക്കണമെന്നും ലീഡേർസ് മീറ്റ് ആവശ്യപ്പെട്ടു
കേരളത്തിലെ സാമൂഹിക ബന്ധങ്ങളിൽ ശക്തിപ്പെട്ടുകൊണ്ടിരിക്കുന്ന അപരവിദ്വേഷം അപകടകരമാണെന്ന് ഡോ. അൻവർ സാദത്ത് അഭിപ്രായപ്പെട്ടു.
സാമൂഹിക സാംസ്കാരിക ബിസിനെസ്സ് മാധ്യമ രംഗത്തുള്ള അഫ് സൽ ഖാൻ (മലബാർ ഗോൾഡ്), ഷബീർ മണ്ടോളി, ഷബീർ (ഫ്രൈഡെ ഫോറം), മുസ്തഫ ക്വോളിറ്റി, അസീസ് (ജോയ്ആലുക്കാസ്, ഷഫാസ് അഹ്മദ് (ലുലു), അബ്ദുറഹിമാൻ( അൻസാരി എക്സേഞ്ച്), മഹ് മൂദ് അപ്സര, ബഷീർ കെ, ഇബ്രാഹിം കുന്നിൽ (കെ.കെ.എം.എ), സത്താർ കുന്നിൽ (ഐ.എം.സി.സി), ഫറൂഖ് ഹമദാനി (കെ.എം.സി.സി), കൃഷ്ണൻ കടലുണ്ടി (ഒ.ഐ.സി.സി),
ജസീൽ സി (മീഡിയ വൺ) ഷരീഫ് പി.ടി (കെ.ഐ.ജി), ബഷീർ ബാത്ത (ഫിമ), അബ്ദുല്ല കാരക്കുന്ന് (ഹുദ), മുകേഷ് (കല), പി. അസ്സലാം (മാധ്യമം) എന്നിവർ പങ്കെടുത്തു.
About the Author
