റിയാദ് :കേരള എഞ്ചിനിയേഴ്സ് ഫോറം റിയാദ് ചാപ്റ്ററിന്റെ 2025-2027 വർഷത്തിലേക്കുള്ള പുതിയ ഭാരവാഹികളെ തിരഞ്ഞെടുത്തു.ഭാരവാഹികളായിഅബ്ദുൽ നിസാർ (പ്രസിഡന്റ് ), മുഹമ്മദ് ഹഫീസ് (ജനറൽ സെക്രട്ടറി), ആഷിക് പാണ്ടികശാല , ഷഫാന മെഹ്റു മൻസിൽ (വൈസ് പ്രസിഡന്റ് ), ശ്യാം രാജ്, സന്ദീപ് ആനന്ദ്(ജോയിന്റ് സെക്രട്ടറി) , മുഹമ്മദ് ഷെബിൻ(ട്രഷറർ), നിഹാദ് അൻവർ (അസിസ്റ്റന്റ് ട്രഷറർ) എന്നിരെ തെരെഞ്ഞടുത്തു.
2022 ഇൽ ആരംഭിച്ച ഈ പ്രൊഫഷണൽ ഫോറത്തിൽ നിലവിൽ ആയിരത്തോളം അംഗങ്ങളാണ് ഉള്ളത്. എഞ്ചിനീയർമാരുടെ ഉന്നമനത്തിനും തൊഴിൽ നൈപുണ്യത്തിനും പുറമെ കലാ കായിക സാംസ്കാരിക പരിപാടികളും ആസൂത്രണം ചെയ്യുന്നതായി ഭാരവാഹികൾ വാർത്ത സമ്മേളനത്തിൽ അറിയിച്ചു . തൊഴിൽ അന്വേഷകരായ എഞ്ചിനീയറിംഗ് ബിരുദ ധാരികൾക്ക് മാർഗ നിർദ്ദേശങ്ങൾ നൽകാനായി പ്രത്യേക പ്ലേസ്മെന്റ് സെല്ലും പ്രവർത്തിക്കുന്നുണ്ട്.
അംഗങ്ങൾക്കായി നിരവധി സാങ്കേതിക, സാങ്കേതിക ഇതര പരിപാടികൾ സംഘടിപ്പിക്കുന്നതിൽ കെഇഎഫ് മുൻപന്തിയിലാണ്. കഴിഞ്ഞ ഒന്നര വർഷത്തിനിടയിൽ, ഫോറം ശ്രദ്ധേയമായ വളർച്ച കൈവരിച്ചു, അംഗത്വം 300 ൽ നിന്ന് ഏകദേശം 1000 ആയി എന്നത് ഈ വളർച്ചയുടെ ഒരു നാഴിക കല്ലാണ്.
മുന്നോട്ടുള്ള പാതയിൽ കെഇഎഫ് കൂടുതൽ വൈവിധ്യമാർന്ന പരിപാടികൾ നടത്താൻ പ്രതിജ്ഞാബദ്ധമാണ്, സംഘടനയിലെ അംഗങ്ങൾക്കും സമൂഹത്തിനും ഉപകാരപ്രദമായ കൂടുതൽ സാങ്കേതിക പരിപാടികൾ സംഘടിപ്പിക്കാൻ പദ്ധതിയിടുന്നു. സൌദി അറേബ്യയിലെ എഞ്ചിനീയറിംഗ് മേഖലയിലെ ഏറ്റവും പുതിയ സംഭവവികാസങ്ങളെക്കുറിച്ച് സമൂഹത്തിൽ അവബോധം വളർത്തുക, മേഖലയിലെ പുതിയ എഞ്ചിനീയർമാർക്കും കേരളത്തിൽ നിന്ന് സൗദി അറേബ്യയിൽ ജോലി ചെയ്യാൻ ആഗ്രഹിക്കുന്നവർക്കും മാർഗ്ഗനിർദ്ദേശങൾ നൽകുക എന്നിവയാണ് ഫോറം ലക്ഷ്യമിടുന്നത്.
സൗദിയിൽ വരാനിരിക്കുന്ന ഫുട്ബോൾ ലോകകപ്പ് 2034 മായി ബന്ധപ്പെട്ട വിവിധ പദ്ധതികളെക്കുറിച്ചുള്ള ബോധവത്കരണം ചെയ്യാനും,കൂടുതൽ മലയാളി എഞ്ചിനീയർമാരെ ഈ പദ്ധതിയുടെ ഭാഗമാകാൻ സജ്ജമാക്കാനുള്ള പരിപാടികൾ ആസൂത്രണം ചെയ്യുവാനും. . കൂടാതെ, എഞ്ചിനീയറിംഗ് മേഖലയിലെ ബിസിനസ് സാധ്യതകൾ റിയാദിലെ ബിസിനസ് സമൂഹത്തെ അറിയിക്കുന്നതിന് അവരുമായി സഹകരിച്ചു കൂടുതൽ പരിപാടികൾ സംഘടിപ്പിക്കാനും ഫോറം ഉദ്ദേശിക്കുന്നു.
ഊർജ്ജസ്വലരായ എഞ്ചിനീയർമാരുടെ ഒരു സമൂഹത്തെ വളർത്തുന്നതിനും , സാങ്കേതിക അറിവ് മറ്റുള്ളവരിലേക്ക് പങ്കിടൽ പ്രോത്സാഹിപ്പിക്കുന്നതിനും അതിലൂടെ പ്രൊഫഷണൽ വളർച്ച സുഗമമാക്കുന്നതിനും കേരള എഞ്ചിനീയേഴ്സ് ഫോറം പ്രതിജ്ഞാബദ്ധമാണ്. മേൽപ്പറഞ്ഞ ലക്ഷ്യങ്ങൾ മുന്നോട്ട് കൊണ്ടുപോകുന്നതിലും ഭാവിയിൽ കൂടുതൽ വിജയത്തിലേക്ക് ഫോറത്തെ നയിക്കുന്നതിലും പുതിയ കമ്മിറ്റി നിർണായക പങ്ക് വഹിക്കും.മുന്നോട്ടുള്ള പാതയിൽ കെഇഎഫ് കൂടുതൽ വൈവിധ്യമാർന്ന പരിപാടികൾ നടത്താൻ പ്രതിജ്ഞാബദ്ധമാണ്, സംഘടനയിലെ അംഗങ്ങൾക്കും സമൂഹത്തിനും ഉപകാരപ്രദമായ കൂടുതൽ സാങ്കേതിക പരിപാടികൾ സംഘടിപ്പിക്കാൻ പദ്ധതിയിടുന്നു. സൌദി അറേബ്യയിലെ എഞ്ചിനീയറിംഗ് മേഖലയിലെ ഏറ്റവും പുതിയ സംഭവവികാസങ്ങളെക്കുറിച്ച് സമൂഹത്തിൽ അവബോധം വളർത്തുക, മേഖലയിലെ പുതിയ എഞ്ചിനീയർമാർക്കും കേരളത്തിൽ നിന്ന് സൗദി അറേബ്യയിൽ ജോലി ചെയ്യാൻ ആഗ്രഹിക്കുന്നവർക്കും മാർഗ്ഗനിർദ്ദേശങൾ നൽകുക എന്നിവയാണ് ഫോറം ലക്ഷ്യമിടുന്നത്.
വാർത്ത സമ്മേളനത്തിൽ ഭാരവാഹികളായ നിസാർ ഹുസൈൻ , സന്ദീപ് ആനന്ദ്, ആഷിക് പണ്ടികശാല, അബ്ദുൽ നിസാർ, മുഹമ്മദ് ഹഫീസ്, ഷഫാന മെഹ്റു മൻസിൽ എന്നിവർ പങ്കെടുത്തു.
About the Author
