ദുബായ്: ദുബായ് ഫിറ്റ്നസ് ചലഞ്ചിന്റെ ഭാഗമായുള്ള ദുബായ് റണ് 2024ന് മുന്നോടിയായി ദുബായിലെ നാലു റോഡുകള് താത്ക്കാലികമായി അടച്ചിടുമെന്ന് റോഡ്സ് ആന്ഡ് ട്രാന്സ്പോര്ട്ട് അതോറിറ്റി അറിയിച്ചു .
ദുബായിലെ ശെയ്ഖ് സായിദ് റോഡ് ഉള്പ്പെടെയുള്ള നാലു റോഡുകള് നവമ്ബർ 24 പുലര്ച്ചെ 3.30 മുതല് രാവിലെ 10.30 വരെയാണ് അടച്ചിടുക. ‘ദുബായ് റണ്ണിന് വഴിയൊരുക്കുന്നതിന്റെ ഭാഗമായി 2024 നവംബര് 24 ഞായറാഴ്ച പുലര്ച്ചെ 3.30 മുതല് രാവിലെ 10.30 വരെ റോഡുകള് അടച്ചിടുമെന്ന് ആര്ടിഎ പ്രഖ്യാപിക്കുന്നു. നിങ്ങളുടെ യാത്ര മുന്കൂട്ടി ആസൂത്രണം ചെയ്ത് ബദല് മാര്ഗം ഉപയോഗിക്കുക’- ആര്ടിഎയുടെ സോഷ്യല് മീഡിയ പോസ്റ്റില് വ്യക്തമാക്കി.
ട്രേഡ് സെന്റര് റൗണ്ട് എബൗട്ടിനും രണ്ടാമത്തെ പാലത്തിനും ഇടയിലുള്ള ശെയ്ഖ് സായിദ് റോഡ്, ശെയ്ഖ് സായിദ് റോഡിനും അല് ബൂര്സ സ്ട്രീറ്റിനും ഇടയിലുള്ള അല് സുക്കൂക്ക് സ്ട്രീറ്റ്, ശെയ്ഖ് സായിദ് റോഡിനും അല് ഖൈല് റോഡിനും ഇടയിലുള്ള ലോവര് ഫിനാന്ഷ്യല് സെന്റര് റോഡ്, ശെയ്ഖ് മുഹമ്മദ് ബിന് റാഷിദ് ബൊളിവാര്ഡില് നിന്നുള്ള വണ്വേ എന്നിവയാണ് താല്ക്കാലികമായി അടച്ചിടുക. യാത്രക്കാര്ക്ക് ബദല് മാര്ഗങ്ങളായി ഉപയോഗിക്കാവുന്ന റോഡുകളുടെ പട്ടികയും ആര്ടിഎ നിര്ദേശിച്ചിട്ടുണ്ട്.
ഫിനാന്ഷ്യല് സെന്റര് റോഡ്, സബീല് പാലസ് സ്ട്രീറ്റ്, അല് മുസ്തഖ്ബാല് റോഡ്, അല് വാസല് റോഡ്, അല് ഖൈല് റോഡ്, അല് ബദാ സ്ട്രീറ്റ് എന്നിവ വഴി വാഹനങ്ങള്ക്ക് വലിയ തടസ്സമില്ലാതെ യാത്ര ചെയ്യാമെന്നും അധികൃതര് അറിയി
About the Author
