കോഴിക്കോട് :സിനിമതാരം മേഘനാഥൻ(60) അന്തരിച്ചു.
ശ്വാസകോശ സംബന്ധമായ അസുഖത്തെ തുടർന്ന് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്നു.
നടൻ ബാലൻ കെ നായരുടെയും ശാരദാ നായരുടെയും മൂന്നാമത്തെ മകനാണ് . അദ്ദേഹത്തിന് രണ്ട് സഹോദരന്മാരും (അനിൽ, അജയകുമാർ) രണ്ട് സഹോദരിമാരും (ലത, സുജാത) ഉണ്ട്. ചെന്നൈയിലെ ആശാൻ മെമ്മോറിയൽ അസോസിയേഷനിൽ നിന്ന് പ്രാഥമിക വിദ്യാഭ്യാസം നേടിയ അദ്ദേഹം കോയമ്പത്തൂരിൽ നിന്ന് ഓട്ടോമൊബൈൽ എഞ്ചിനീയറിംഗിൽ ഡിപ്ലോമ പൂർത്തിയാക്കി. 1983 ൽ ആസ്ത്രം എന്ന മലയാള ചിത്രത്തിലൂടെയാണ് അദ്ദേഹം അരങ്ങേറ്റം കുറിച്ചത്.
പഞ്ചാഗ്നി, ചെങ്കോൽ, ചമയം ,ഈ പുഴയും കടന്ന് ,ഒരു മറവത്തൂർ കനവ് ,തച്ചിലേടത്ത് ചുണ്ടൻ ,വാസന്തിയും ലക്ഷ്മിയും പിന്നെ ഞാനും, ഉത്തമൻ ,താന്തോന്നി ,
സൺഡേ ഹോളിഡേ ,തുടങ്ങിയവ അദ്ദേഹം അഭിനയിച്ച ചിത്രങ്ങളിൽ ചിലത്.
സുസ്മിതയാണ് ജീവിതപങ്കാളി. ദമ്പതികൾക്ക് പാർവതി എന്നൊരു മകളുണ്ട്. മൃതദേഹം പാലക്കാട് ഷൊർണൂരിലെ തറവാട്ടിലേക്ക് കൊണ്ടുവരും.
About the Author
