റിയാദ് :സെപ്റ്റംബർ 20 വെള്ളിയാഴ്ച സൗദിയിലെ പ്രാദേശിക സമയം വൈകിട്ട് 5:30 മുതൽ സെപ്റ്റംബർ 23 പുലർച്ചെ 3:30 വരെ എമർജൻസി “തത്ക്കാൾ പാസ്പോർട്ട് ” അടക്കമ്മുള്ള സേവനങ്ങൾ ലഭ്യമാകില്ലന്ന് റിയാദ് ഇന്ത്യൻ എംബസി വാർത്ത കുറിപ്പിൽ അറിയിച്ചു. എന്നാൽ വി എഫ് എസ് വഴി പാസ്പോർട്ട് അപേക്ഷകൾക്ക് അപ്പോയ്ന്റ്മെന്റ് ലഭിച്ചവർക്ക് അത് നൽകാം. മറ്റു കോൺസുലർ സേവനങ്ങൾ പതിവ് പോലെ നടക്കും.
സാങ്കേതിക പ്രശ്നങ്ങള് പരിഹരിക്കുന്നതിന്റെ ഭാഗമായി ഇന്ത്യന് പാസ്പോര്ട്ട് സേവന പോര്ട്ടല് ഏതാനും ദിവസം പ്രവര്ത്തിക്കില്ലെന്ന്
ജി സി സി രാജ്യങ്ങളിലെ വിവിധ ഇന്ത്യൻ എംബസികൾ അറിയിച്ചു.
ഇന്ന് സെപ്റ്റംബര് 20 വെള്ളിയാഴ്ച പ്രാദേശിക സമയം വൈകുന്നേരം 6:30 മുതല് സെപ്റ്റംബര് 24 തിങ്കളാഴ്ച പുലര്ച്ചെ 4:30 വരെ പോര്ട്ടല് പ്രവര്ത്തനരഹിതമാകുമെന്നാണ് അബുദാബി ഇന്ത്യൻ എംബസി വാര്ത്താ കുറിപ്പില് അറിയിച്ചു.
എമര്ജന്സി ‘തത്കാല്’ പാസ്പോര്ട്ടുകളും പോലീസ് ക്ലിയറന്സ് സര്ട്ടിഫിക്കറ്റുകളും ഉള്പ്പെടെയുള്ള പാസ്പോര്ട്ടും അനുബന്ധ സേവനങ്ങളും എംബസിയിലും അതിന്റെ കീഴിലുള്ള ബിഎല്എസ് ഇന്റര്നാഷണല് സെന്ററുകളിലും സെപ്റ്റംബര് 20 മുതല് സെപ്റ്റംബര് 22 വരെ ലഭ്യമാവില്ല.
സെപ്തംബര് 21 ന് അപ്പോയിന്റ്മെന്റ് ഷെഡ്യൂള് ചെയ്യുന്ന ആളുകള്ക്ക് സെപ്റ്റംബര് 23 നും സെപ്റ്റംബര് 27 നും ഇടയില് വരുന്ന പുതുക്കിയ തീയതികള് നല്കും. പുതുക്കിയ അപ്പോയിന്റ്മെന്റ് തീയതി അപേക്ഷകന് സൗകര്യപ്രദമല്ലെങ്കില്, പുതുക്കിയ അപ്പോയിന്റ്മെന്റ് തീയതിക്ക് ശേഷം അവര്ക്ക് ഏതെങ്കിലും ബിഎല്എസ് സെന്ററില് നേരിട്ട് പോയി അപേക്ഷ സമര്പ്പിക്കാവുന്നതാണ്. ഇതിനായി പ്രത്യേകം അപ്പോയിന്റ്മെന്റ് എടുക്കേണ്ട് ആവശ്യമില്ലെന്നും അധികൃതര് അറിയിച്ചു.
എന്നാൽ മറ്റ് കോണ്സുലര്, വിസ സേവനങ്ങള് സെപ്റ്റംബര് 21 ന് യുഎഇയിലുടനീളമുള്ള എല്ലാ ബിഎല്എസ് കേന്ദ്രങ്ങളിലും തുടര്ന്നും നല്കുമെന്നും അബുദാബിയിലെ ഇന്ത്യന് എംബസി അറിയിച്ചു.
ഇന്ത്യന് പാസ്പോര്ട്ട് സേവന പോര്ട്ടല് സാങ്കേതിക അറ്റകുറ്റപ്പണികള്ക്ക് വിധേയമാകുന്നതിനാല് രണ്ട് ദിവസത്തെ സേവനങ്ങള് താല്ക്കാലികമായി നിര്ത്തിവച്ചതായി കുവൈറ്റിലെ ഇന്ത്യന് എംബസിയും അറിയിച്ചു.
കുവൈറ്റിൽ സെപ്റ്റംബര് 20 വെള്ളിയാഴ്ച പ്രാദേശിക സമയം വൈകുന്നേരം 5:30 മുതല് സെപ്റ്റംബര് 23 തിങ്കളാഴ്ച പുലര്ച്ചെ 3:30 വരെ, തത്കാല്, പോലീസ് ക്ലിയറന്സ് സര്ട്ടിഫിക്കറ്റ് (പിസിസി) സേവനങ്ങള് ഉള്പ്പെടെയുള്ള പാസ്പോര്ട്ട് സേവനങ്ങള് ലഭ്യമല്ല. ഈ കാjnലയളവില് എംബസിയിലും കുവൈറ്റിലെ ഇന്ത്യന് കോണ്സുലര് ആപ്ലിക്കേഷന് സെന്ററുകളിലും (ഐസിഎസി) പാസ്പോര്ട്ട് സേവനങ്ങളെ ബാധിക്കും. എന്നിരുന്നാലും, ഐസിഎസികളില് കോണ്സുലാര്, വിസ സേവനങ്ങള് സാധാരണ നിലയില് തുടരുമെന്നും അധികൃതര് വ്യക്തമാക്കി. അറ്റകുറ്റപ്പണി കാലയളവിന് മുമ്പ് പാസ്പോര്ട്ടുമായി ബന്ധപ്പെട്ട ഏതെങ്കിലും അടിയന്തിര നടപടിക്രമങ്ങള് ഉണ്ടെങ്കില് അത് പൂര്ത്തിയാക്കാനും എംബസി ഇന്ത്യന് പ്രവാസികളോട് അഭ്യര്ഥിച്ചു.
About the Author
