ന്യൂഡല്ഹി : മസ്റ്ററിങില് ഗ്യാസും ആധാറും തമ്മില് ലിങ്ക് ചെയ്യാന് കാലപരിധി നിശ്ചയിച്ചിട്ടില്ലെന്ന് കേന്ദ്ര പെട്രോളിയം മന്ത്രി ഹര്ദീപ് സിങ് പുരി അറിയിച്ചു. പ്രതിപക്ഷ നേതാവ് വിഡി സതീശന്റെ കത്തിന് മറുപടിയായാണ് പുരി ഇക്കാര്യം അറിയിച്ചത്.
എല്പിജി കമ്പനികളുടെ ഷോറൂമുകളില് മസ്റ്ററിംഗ് നടപടികള് ഇല്ലെന്നും ഉപയോക്താക്കള്ക്ക് ഗ്യാസ് നിരസിക്കുന്ന കാര്യങ്ങള് ജീവനക്കാരില് നിന്ന് ഉണ്ടാകില്ലെന്ന് ഉറപ്പുവരുത്തണമെന്നും എണ്ണ കമ്പനികളോട് മന്ത്രി നിര്ദേശിച്ചിട്ടുണ്ട്. എല്പിജി സിലിണ്ടര് വീടുകളില് വിതരണം ചെയ്യുമ്പോള് ഡെലിവറി ജീവനക്കാരന് ഉപഭോക്താക്കളുടെ ആധാര് അടക്കമുള്ള രേഖകകള് പരിശോധിക്കും. അതിന് ശേഷം മൊബൈല് ആപ് വഴി രേഖകള് അപ് ലോഡ് ചെയ്യും. തുടര്ന്ന് ലഭിക്കുന്ന ഒടിപി വഴി ഉപഭോക്താക്കള്ക്ക് മസ്റ്ററിങ് പൂര്ത്തീകരിക്കാനാകും. ആവശ്യമെങ്കില് വിതരണ കേന്ദ്രത്തില് എത്തി പരിശോധന നടത്താമെന്നും മന്ത്രി പറഞ്ഞു.
About the Author
