മക്ക : പുണ്യ ഭൂമിയായ മക്കയിലേക്ക് തീർഥാടകരുടെയും സന്ദര്ശകരുടെയും വൻ ഒഴുക്കിനെ തുടർന്ന് പുതിയ 11 പാർക്കിങ് സ്ഥലങ്ങൾ കൂടി ഒരുക്കിയതായി ട്രാഫിക് വകുപ്പ് അറിയിച്ചു. പൊതുഗതാഗത സംവിധാനത്തിലൂടെ തീർഥാടകർക്ക് ഹറമിലേക്കും തിരിച്ചും പോകാൻ കഴിയും വിധത്തിലാണ് പാർക്കിംഗ് സ്ഥലങ്ങൾ ഒരുക്കിയിരിക്കുന്നത്.
ഹറമിനോട് ചേർന്ന് ആറ് പാർക്കിങ് പോയൻറുകൾ ഒരുക്കിയിട്ടുണ്ടെന്ന് ട്രാഫിക് വിഭാഗം വിശദീകരിച്ചു. ജംറാത്ത് പാർക്കിങ്,അമീർ മുത്ഇബ് പാർക്കിങ്, ദഖം അൽവബർ പാർക്കിങ്, കുദായ് പാർക്കിങ്, അൽസാഹിർ പാർക്കിങ്, റുസൈഫ പാർക്കിങ് എന്നിവയാണിവ. ഇത് കൂടാതെ മക്ക പ്രവേശന കവാടങ്ങൾക്കടുത്ത് അഞ്ച് പാർക്കിങ്ങുകളുമുണ്ട്. ജിദ്ദ എക്സ്പ്രസ് പാർക്കിങ്, അൽശറായ് പാർക്കിങ്, അൽലെയ്ത്ത് പാർക്കിങ്, അൽഹദ പാർക്കിങ്, അൽനൂരിയ പാർക്കിങ് എന്നിവയാണത്. 50000 വാഹനങ്ങൾക്ക് പാർക്കിങ്സൗകര്യം പുതുതായി ലഭ്യമാകും.
About the Author
