ദുബായ് : വിശുദ്ധ റമദാൻ മാസത്തിൽ യാചകർ തങ്ങളുടെ അനുകമ്പയും ദയയും ഓൺലൈനിലൂടെ ചൂഷണം ചെയ്യുന്നതിനെക്കുറിച്ച് താമസക്കാർക്കും സന്ദർശകർക്കും മുന്നറിയിപ്പുമായി അബുദാബി പോലീസ്.
റമദാനിൽ ഭിക്ഷാടകരുമായി ഇടപഴകുന്നതിൽ നിന്നും പണമോ സഹായത്തിനോ വേണ്ടിയുള്ള അവരുടെ വഞ്ചനാ പദ്ധതികളിൽ നിന്നും വിട്ടുനിൽക്കണമെന്ന് അബുദാബി പോലീസ് പൊതുജനങ്ങളോട് നിർദ്ദേശിക്കുകയും ചെയ്തിട്ടുണ്ട്. പള്ളികളുടെ വാതിലുകളിലും തെരുവുകളിലും മാർക്കറ്റുകളിലും മാളുകളിലും ഓൺലൈൻ വഴിയുമെല്ലാം യാചകർ പണം ചോദിക്കുന്നതിനാൽ ഭിക്ഷാടനം എന്ന പ്രതിഭാസം ഇപ്പോൾ ഒരു പൊതു ആശങ്കയായി മാറിയിട്ടുണ്ടെന്നും പോലീസ് കൂട്ടിച്ചേർത്തു. തെരുവിലും പൊതുസ്ഥലങ്ങളിലും സോഷ്യൽ മീഡിയ ചാനലുകളിലും തുടങ്ങി എല്ലാത്തരം ഭിക്ഷാടനത്തെയും നേരിടാൻ എല്ലാവരും കൈകോർക്കണമെന്നും അബുദാബി പോലീസ് അറിയിപ്പിൽ പറയുന്നു.
About the Author
