തിരുവനന്തപുരം : ഗവർണ്ണർക്കെതിരെ രൂക്ഷ വിമർശനവുമായി സി പി എം.നയപ്രഖ്യാപന പ്രസംഗം ഗവർണർ നടത്തിയത് സാങ്കേതികമായാണെന്നും അദ്ദേഹത്തിന്റേത് നിലവിട്ട പെരുമാറ്റമെന്നും സി പി എം സെക്രട്ടറി എം വി ഗോവിന്ദൻ ആരോപിച്ചു.ഇന്നത്തെ പ്രസംഗം കണ്ടതോടെ ഗവര്ണര്ക്ക് ആരോഗ്യപ്രശ്നങ്ങളൊന്നുമില്ലെന്ന് വ്യക്തമായി.ഗവർണർ കുറെ കാലമായി എടുക്കുന്ന നിലപാടിന്റെ തുടര്ച്ചയാണ് ഇന്നലെ നിയമസഭയിലുണ്ടായത്. സാധാരണ ഗവർണർമാരുടെ കീഴ്വഴക്കം അല്ല ഇന്നലെ കണ്ടത്. ഗവർണറുടെ പദവിയ്ക്ക് ചേരുന്നതല്ല ഇപ്പോൾ നടക്കുന്നത്.ഡൽഹിയിൽ എല്ഡിഎഫ് നടത്തുന്നത് സമ്മേളനമല്ലെന്നും കേന്ദ്ര സര്ക്കാരിനെതിരായ പ്രതിഷേധ സമരം തന്നെയാണെന്നും എംവി ഗോവിന്ദന് പറഞ്ഞു. ഫെബ്രുവരി എട്ടിന് ദില്ലിയില് സമരം നടക്കുമ്പോള് സംസ്ഥാനത്ത് പലയിടങ്ങളിലായി ഐക്യദാര്ഢ്യ പ്രതിഷേധ പരിപാടി നടത്തും.
About the Author
