കൊച്ചി : എഴുത്തുകാരി കെ ബി ശ്രീദേവി (84 ) അന്തരിച്ചു. വാര്ധക്യ സഹജമായ അസുഖങ്ങളെ തുടര്ന്നായിരുന്നു അന്ത്യം. കഥ, നോവല്, പഠനം, ബാലസാഹിത്യം, നാടകം തുടങ്ങി നിരവധി കൃതികള് രചിച്ചിട്ടുണ്ട്. സമഗ്ര സംഭാവനകള്ക്കുള്ള കേരള സാഹിത്യ അക്കാദമി അവാര്ഡ്, കേരള സംസ്ഥാന ചലച്ചിത്ര അവാര്ഡ് തുടങ്ങി നിരവധി പുരസ്കാരങ്ങള് ലഭിച്ചിട്ടുണ്ട്. നമ്പൂതിരി സമുദായത്തിലെ സ്ത്രീ ജിവിതങ്ങളെപ്പറ്റിയും ഇന്ത്യൻ മിതോളജി കേന്ദ്രീകരിച്ച് കുട്ടികൾക്കായി പുസ്തകങ്ങളും എഴുതിയിട്ടുണ്ട്. യജ്ഞം, അഗ്നിഹോത്രം, പറയി പെറ്റ പന്തിരുകുലം എന്നിവയാണ് പ്രധാന കൃതികൾ.നിറമാലയ്ക്ക് 1975 ല് മികച്ച കഥയ്ക്കുള്ള കേരള സംസ്ഥാന ചലച്ചിത്ര പുരസ്കാരം ലഭിച്ചിട്ടുണ്ട്. 1974-ല് പുറത്തിറങ്ങിയ ‘യജ്ഞം’ നോവല് 1975-ല് കുങ്കുമം പുരസ്കാരം നേടിയിരുന്നു.
കെ ബ്രഹ്മദത്തന് നമ്പൂതിരിപ്പാടാണ് ഭര്ത്താവ്. മൂന്നു മക്കളുണ്ട്.
About the Author
