തിരുവനന്തപുരം:തലസ്ഥാന നഗരിയിൽ പുഷ്പമേളക്ക് ഞായറാഴ്ച ( ഡിസംബർ 24 ) തുടക്കമാവും.
ടൂറിസം വകുപ്പ് കനകക്കുന്നില് സംഘടിപ്പിക്കുന്ന ‘വസന്തോത്സവം’ പുഷ്പമേളയുടെയും ന്യൂ ഇയര് ലൈറ്റ് ഷോയുടേയും ഉദ്ഘാടനം ടൂറിസം പൊതുമരാമത്ത് മന്ത്രി പി.എ മുഹമ്മദ് റിയാസ് നിര്വ്വഹിക്കും.വൈകുന്നേരം നടക്കുന്ന ചടങ്ങിൽ മന്ത്രിമാരായ വി ശിവന്കുട്ടി,ആന്റണി രാജു,ജി.ആര് അനില് എന്നിവർ പങ്കെടുക്കും.കനകക്കുന്ന് കൊട്ടാരവളപ്പിനെ അലങ്കരിക്കുന്ന തരത്തിലാണ് പുഷ്പമേള ഒരുക്കുന്നത്. അപൂര്വ്വമായ പുഷ്പങ്ങള് അടക്കം നയനമനോഹരമായ രീതിയില് ക്രമീകരിച്ച് വസന്തോത്സവത്തെ ആകര്ഷകമാക്കും. തലസ്ഥാനത്തെ രണ്ടാമത്തെ നൈറ്റ് ലൈഫ് കേന്ദ്രമാകാന് ഒരുങ്ങുന്ന കനകക്കുന്നിന് കൂടുതല് ഉണര്വേകുന്ന തരത്തിലാണ് ഇത്തവണത്തെ ആഘോഷങ്ങള് സംഘടിപ്പിക്കുന്നത്. കനകക്കുന്നിലെ പ്രവേശന കവാടത്തില് ദീപാലങ്കാരത്തിനൊപ്പം പ്രത്യേക ആശയം അടിസ്ഥാനമാക്കിയുള്ള ഇന്സ്റ്റലേഷനും ഉണ്ടായിരിക്കും. കനകക്കുന്നിലെ നടവഴികളും മരങ്ങളും കൊട്ടാരമതിലുകളും ദീപാലങ്കാരത്തിന്റെ ഭാഗമാകും.
About the Author
