റിയാദ് : ഫാലസ്തീന് മുകളിൽ നൂറ്റാണ്ടുകളായി ഇസ്രാഈൽ തുടരുന്ന അധിനിവേശം അവസാനിപ്പിക്കാൻ ലോക രാഷ്ട്രങ്ങൾ ഇടപെടണമെന്ന് ആർ.ഐ.സി.സി ആവശ്യപ്പെട്ടു. സ്വന്തം മണ്ണിനും ജീവനും വേണ്ടി പതിറ്റാണ്ടുകളായി പോരാടുന്ന ഫലസ്ത്വീൻ ജനതയെ തീവ്രവാദ മുദ്രകുത്തുന്ന സമീപനം അംഗീകരിക്കാവതല്ല. പ്രശ്നത്തിന് ശാശ്വത പരിഹാരം ആവശ്യമാണ്, പതിറ്റാണ്ടുകളായി തുടരുന്ന അധിനിവേശം അവസാനിപ്പിച്ച് പശ്ചിമേഷ്യയിൽ സമാധാനം പുനഃസ്ഥാപിക്കണം. വിഷയത്തിൽ നീതിയുക്തമായ നിലപാടെടുക്കാൻ ലോകരാഷ്ട്രങ്ങൾക്ക് സാധ്യമാവേണ്ടതുണ്ട്. സഊദി അറേബ്യാ കാലങ്ങളായി സ്വീകരിച്ച് വരുന്ന നിലപാട് സ്വാഗതാർഹമാണ്, സമാധാന ശ്രമങ്ങൾക്ക് മുഴുവൻ രാജ്യങ്ങളും പിന്തുണ നൽകണമെന്നും മുഹിമ്മ ഇസ്ലാഹി സംഗമം ആവശ്യപ്പെട്ടു. വിശ്വാസികൾ നമ്മുടെ സഹോദരങ്ങൾക്ക് വേണ്ടി പ്രാർത്ഥനകളും സഹായങ്ങളും ചെയ്യാൻ സംഗമം പ്രത്യേകം ഉണർത്തി.
സംഗമം പ്രമുഖ ഇസ്ലാമിക പണ്ഡിതനും ഹായിൽ ജാലിയാത്ത് മലയാള വിഭാഗം പ്രബോധകനുമായ അബ്ദുസ്സലാം മദീനി ഹായിൽ ഉദ്ഘാടനം ചെയ്തു. നൂറുദ്ദീൻ സ്വലാഹി, മദീന മുഖ്യ പ്രഭാഷണം നിർവ്വഹിച്ചു. മാറാത്ത് ജാലിയാത്ത് പ്രബോധകൻ താജുദ്ദീൻ സലഫി, ബുറൈദ ജാലിയാത്ത് പ്രബോധകൻ റഫീഖ് സലഫി, അബ്ദുല്ല അൽ ഹികമി,ആഷിക് മെഹബൂബ്, ഇക്ബാൽ കൊല്ലം, ഉമർ ശരീഫ്, അമീൻ മദീനി, ഷഹീൻ അൽ ഹികമി, തൻസീം കാളികാവ് എന്നിവർ വിവിധ വിഷയങ്ങൾ അവതരിപ്പിച്ചു.
ആർ.ഐ.സി.സി ചെയർമാൻ ഉമർ ഫാറൂഖ് വേങ്ങര ആമുഖ ഭാഷണം നിർവ്വഹിച്ചു. ജനറൽ കൺവീനർ ജഅഫർ പൊന്നാനി, കൺവീനർമാരായ അബ്ദുറഹീം പേരാമ്പ്ര, അഷ്റഫ് തേനാരി, മൊയ്തു അരൂർ, അബ്ദുറഊഫ് സ്വലാഹി, അഹമ്മദ് റസൽ, ഷഹജാസ് പയ്യോളി തുടങ്ങിയവർ സംസാരിച്ചു.
ആരിഫ് കക്കാട്, ബഷീർ കുപ്പോടൻ, അമീർ സാബു, അർഷദ് ആലപ്പുഴ, ഉബൈദ് തച്ചമ്പാറ, യാസർ അറഫാത്ത്, അനീസ് എടവണ്ണ, നബീൽ പയ്യോളി, റിയാസ് ചൂരിയോട്, അജ്മൽ കള്ളിയൻ, നൂറുദ്ദീൻ തളിപ്പറമ്പ്, അബ്ദുസ്സലാം കുളപ്പുറം, ഷഹീർ പുളിക്കൽ, ശബാബ് കാളികാവ് തുടങ്ങിയവർ നേതൃത്വം നൽകി
പെൺകുട്ടികൾക്ക് വേണ്ടി സംഘടിപ്പിച്ച ടീൻസ് വർക്ക് ഷോപ്പിൽ ജസീല ടീച്ചർ, ആതിക ടീച്ചർ, സാദിയ ടീച്ചർ തുടങ്ങിയവർ വിവിധ വിഷയങ്ങൾ അവതരിപ്പിച്ചു. സഹീദ യുകെ, സുനീറ തായിൽ, സബീഹ എം ടി, ഷഹന യൂ കെ ,റജില ,അശ് രിൻ, ഷബാന കെ.വി, ഷബ്ന, സുമയ്യ, ഐരിഹാൻ ,ബനീറ ,ഫാത്തിമ ഹുസ്ന തുടങ്ങിയവർ നേതൃത്വം നൽകി
About the Author
