ദോഹ :ഇന്ത്യൻ കൾച്ചറൽ സെന്റർ (ഐസിസി) ഐസിസി–തപസ്യ നൃത്ത വിദ്യാർത്ഥികളുടെ ഭരതനാട്യ നൃത്ത പരിപാടി Wednesday Fiesta ഭാഗമായി ഐസിസി അശോക ഹാളിൽ സംഘടിപ്പിച്ചു. ഇന്ത്യൻ ക്ലാസിക്കൽ നൃത്തത്തിന്റെ സമ്പന്നമായ പൈതൃകവും കാലാതീതമായ സൗന്ദര്യവും പ്രതിഫലിപ്പിച്ച ഈ പരിപാടി, യുവ നർത്തകരുടെ ചാരുതയും അച്ചടക്കവും കലാപരമായ മികവും മനോഹരമായി അവതരിപ്പിച്ചു.
ഐസിസി സാംസ്കാരിക പ്രവർത്തനങ്ങളുടെ സാരഥി നന്ദിനി അബ്ബഗൗണി അതിഥികളെയും വിശിഷ്ടാതിഥികളെയും സ്വാഗതം ചെയ്തു. ഐസിസി പ്രസിഡന്റ് എ. പി. മണികണ്ഠൻ അധ്യക്ഷത വഹിച്ചു. ക്ലാസിക്കൽ നൃത്തപരമ്പരകൾ സംരക്ഷിക്കുകയും പരിപോഷിപ്പിക്കുകയും ചെയ്യുന്നതിൽ വിദ്യാർത്ഥികളും അവരുടെ അദ്ധ്യാപികയും നടത്തുന്ന സമർപ്പിത പരിശ്രമങ്ങളെ അദ്ദേഹം അധ്യക്ഷ പ്രസംഗത്തിൽ അഭിനന്ദിച്ചു.
ഐസിസി–തപസ്യ നൃത്ത പരിശീലക സൗമി ശ്രീജിയുടെ നന്ദി പ്രകാശനത്തോടെയാണ് പരിപാടി സമാപിച്ചത്. ഐബിപിസി വൈസ് പ്രസിഡന്റ് എഞ്ചിനീയർ അബ്ദുൾ സത്താർ, എഞ്ചിനീയേഴ്സ് ഓസ്ട്രേലിയ ഡെപ്യൂട്ടി പ്രസിഡന്റ് എഞ്ചിനീയർ രവീന്ദർ സസോൺ, സമൂഹത്തിലെ മുതിർന്ന അംഗങ്ങൾ എന്നിവർ ചടങ്ങിൽ പങ്കെടുത്തു.
About the Author
