ജുബൈൽ : പാണക്കാട് സയ്യിദ് മുഹമ്മദ് അലി ശിഹാബ് തങ്ങൾ അനുസ്മരണ ചടങ്ങ് “ഓർമകളിൽ ഒളിമങ്ങാതെ” എന്ന തലക്കെട്ടിൽ കെ.എം.സി.സി. സിറ്റി ഏരിയ കമ്മിറ്റി സംഘടിപ്പിച്ചു. ജുബൈൽ സെൻട്രൽ കമ്മിറ്റി ഓഫീസിൽ നടന്ന ചടങ്ങ്, ജുബൈൽ കെ.എം.സി.സി.യുടെ വിവിധ യൂണിറ്റുകളിലെ അംഗങ്ങളുടെ സാന്നിധ്യം കൊണ്ട് ശ്രദ്ധേയമായി.
പ്രമുഖ മത പണ്ഡിതനും കെ.എം.സി.സി. ജുബൈൽ സെൻട്രൽ കമ്മിറ്റി വൈസ് പ്രസിഡന്റുമായ റാഹി ഹുദവി മുഖ്യപ്രഭാഷണം നിർവഹിച്ചു. സിറ്റി ഏരിയ പ്രസിഡന്റ് സൈദലവി പരപ്പനങ്ങാടി അധ്യക്ഷത വഹിച്ച യോഗം, സെൻട്രൽ കമ്മിറ്റി ആക്ടിങ് പ്രസിഡൻറ് ഷിബു കവലയിൽ ഉദ്ഘാടനം ചെയ്തു.
സെൻട്രൽ കമ്മിറ്റി ആക്ടിങ് ജനറൽ സെക്രട്ടറി അബൂബക്കർ കാസർകോട്, ചെയർമാൻ ഹമീദ് പയ്യോളി, റാഫി കൂട്ടായി, സിറാജ് ചെമ്മാട്, സിദ്ദിഖ് താനൂർ, റിയാസ് ബഷീർ എന്നിവർ തങ്ങളുടെ ഓർമ്മകളും അനുഭവങ്ങളും പങ്കുവെച്ചു.
മുഖ്യപ്രഭാഷണത്തിൽ റാഹി ഹുദവി തങ്ങൾയുടെ മതേതരത്വം, സൗഹൃദം, സഹിഷ്ണുത എന്നിവയെക്കുറിച്ച് ആഴത്തിൽ സംസാരിച്ചു. “തങ്ങൾ സാഹോദരത്വത്തിന്റെ പ്രതീകമായിരുന്നു. മതേതരത്വത്തിന്റെയും മനുഷ്യസ്നേഹത്തിന്റെയും പാഠം അദ്ദേഹം സമൂഹത്തെ പഠിപ്പിച്ചു,” എന്ന് അദ്ദേഹം പറഞ്ഞു.
ഏരിയ ജനറൽ സെക്രട്ടറി ഷഫീഖ് താനൂർ സ്വാഗതവും, ഓർഗനൈസിങ് സെക്രട്ടറി റിയാസ് വേങ്ങര നന്ദിയും പറഞ്ഞു. ഏരിയ നേതാക്കളായ ജമാൽ ചേളാരി, അബ്ദുൽ സമദ്, ഹുസൈൻ ബാവ, സമീർ വളാഞ്ചേരി, അബൂബക്കർ അടക്ക എന്നിവർ പരിപാടിക്ക് നേതൃത്വം നൽകി.
About the Author
